;METADATA
;title{anekArTaniGaRwu}
;author{DanaYjaya}
;bookFullName{mahAkavi DanaYjayaviracitA nAmamAlA - amarakIrtiviracitaBAzyopetA, anekArTaniGaRwuH ekAkzarIkoSaSca}
;bookSeriesDetails{jYAnapIWa mUrtidevI jEna granTamAlA saMskfta granTANka 6}
;editor{paM0 SamBunATa tripAWI}
;editorQualifications{vyAkaraRAcArya, saptatIrTa}
;publisher{ayoDyAprasAda goyalIya, mantrI, BAratIya jYAnapIWa kASI, durgAkuRqa roqa, banArasa siwI}
;pressDetails{paM0 pfTvInATa BArgava, BArgava BUzaRa presa, gAyaGAwa, kASI}
;publicationYear{1944 A.D.}
;dataEntryBy{Dr. P. Srinivas, Lecturer in Vyakarana, S.V.V.V.S.College, Bowenpally, Secunderabad, A.P.500011 as part of Sansknet Project - retrieved from https://www.wilbourhall.org/sansknet/index.html}
;dataEntryEmail{}
;proofReadBy{Mr. Pradeep Rastogi}
;proofReaderEmail{pkrastogi.lko@gmail.com}
;annotatedBy{}
;annotatorEmail{}
;version{0.1.0}
;projectDetails{This project is aimed at creating a database and related software tools to access Indian koshas, both online and offline. The project is funded by generous donation of Shree Ramkrishna Knowledge Fondation, Surat.}
;projectWebPage{http://github.com/sanskrit-kosha/kosha}
;emailTo{drdhaval2785@gmail.com}
;description{}
;shortCode{ANND}
;funding{Shree Ramkrishna Knowledge Foundation.}
;licence{GNU GPL v3.0}
;credits{1. Sansknet project for providing us the data in custom font. 2. Mr. Pradeep Rastogi for spending time to proofread the data.}
;dataFormatDetails{See https://github.com/sanskrit-kosha/kosha/blob/master/docs/annotation_thoughts.md for details.}
;editorialChanges{}
;nymic{homo}
;pagenum{true}
;linenum{false}
;chapterArrangements{kanda}
;newVerseNumbersAtChangeOf{never}
;newLineNumbersAtChangeOf{never}
;version0.0.1{19 February 2019}
;version0.0.2{16 February 2020}
;version0.0.3{16 February 2020}
;version0.0.4{16 February 2020}
;version0.1.0{16 February 2020}
;version0.2.0{}
;version0.2.1{}
;version0.2.2{}
;version0.3.0{}
;version0.3.1{}
;version0.3.2{}
;version0.3.3{}
;version0.3.4{}
;version0.3.5{}
;version0.3.6{}
;version1.0.0{}
;CONTENT
;p{0102}
;c{anekArTa-niGaRwuH}
gamBIrAn rucirA~ScitrAn vistIrRArTaprasADanAn .
kazwaSabdAn pravakzyAmi kavInAM hitakAmyayA .. 1 ..
vAgdigBUraSmivajrezu paSvakzisvargavArizu .
navasvarTezu meDAvI goSabdamupalakzayet .. 2 ..
kaH prajApatiruddizwo ko vAyuraBiDIyate .
kaH SabdaH svargamAKyAti ka ityAtmA mataH kvacit .. 3 ..
salilaM kamiti jYeyaM SiraH kamiti cocyate .
devAnanimizAnAhurmatsyAnanimizAMstaTA .. 4 ..
agniSca varhiRaH cEva vfkzaH kukkuwa eva ca .
SiKino'BihitAH SastraH pfTukaSca mataH SiKI .. 5 ..
haMso nArAyaRaH proktaH kvacidDaMso divAkaraH .
aSvaScApi smfto haMso haMsaScApi vihaMgamaH .. 6 ..
sArasassarasijendvoH patatryapi ca sArasaH .
rAjA'pi nfpatirjYeyo rAjA cokto niSAkaraH .. 7 ..
viBAvasurhutASaH syAcCvetacCatraM kvacidBavet .
himArAtiH smfto vahniH himArAtiSca BAskaraH .. 8 ..
DanaYjayo'gnirvyAKyAto pArTaScApi DanaYjayaH .
bIBatsaSca mataH pArTo bIBatso vikftaH smftaH .. 9 ..
agnirvirocanaH prokto BAskarastu virocanaH .
virocanaSca candraH syAtkvaciddEtyo virocanaH .. 10 ..
pAYcajanyaH kvacidvahniH kvacicCaNKo nigadyate .
kambuSca gaditaH SaNKaH kamburizwaSca kuYjaraH .. 11 ..
BAskaro'gniH samuddizwaH sahasrAMSurapi kvacit .
pataNgo dinakfd jYeyaH pataNgaH SalaBaH smftaH .. 12 ..
kOSiko devarAjaH syAdulUkaScApi kOSikaH .
SamBurbrahmA ca vizRuSca SamBuScEva maheSvaraH .. 13 ..
vfzaketurmataH SaNkuH SaNkuH kIla ihocyate .
jambuko varuRo jYeyaH SfgAlaScApi jambukaH .. 14 ..
arka izwastu maGavAn GarmAMSurarka ucyate .
manTI rAhuSca candraSca graho manTI nirucyate .. 15 ..
ketavo raSmayo jYeyAH ketavaSca mahADvajAH .
tamonudaH sahasrAMSuragniScApi prakIrtyate .. 16 ..
mayUKAH kiraRA jYeyA mayUKAScApi kIlakAH .
saptarzirutsavaH proktaH saptAnye fzayaH kvacit .. 17 ..
vasavaH SaMvarA uktA devASca vasavo matAH .
nakzatraM DizRyamityuktaM gehaM DizRyaM mataM kvacit .. 18 ..
vAso'mbaramiti KyAtamambaraM ca naBaHsTalam .
payaH salilamuddizwaM payaH kzIraM mataM kvacit .. 19 ..
SivaM pAnIyamuddizwaM SivaM SreyaH SivaM suKam .
SivaM vyomapatiM prAhuH SivaM SrezWaM pracakzate .. 20 ..
kzaraM jalaM vijAnIyAtkvacinmeDaM viduH kzaram .
syandanaM cAmbu nirdizwaM syandanaSca mahAraTaH .. 21 ..
kfzRaM tamaH samAKyAtaM kfzRaScADokzajastaTA .
amftaM kzIramityuktaM kvaciccezwaM samudrajam .. 22 ..
SavaM ca salilaM proktaM mftamAhuH SavaM taTA .
toyaM Gftamiti proktaM GftaM sarpiH kvacidBavet .. 23 ..
pAnIyaM ca vizaM proktaM kvacidDAlAhalaM vizam .
hastihastaH karaH proktaH karo hastaH pracakzyate .. 24 ..
kIlAlaM ruDiraM proktaM nIraM cEva praSasyate .
BuvanaM salilaM proktaM AkASaM BuvanaM smftam .. 25 ..
pravAlaM komalaM jYeyaM komalaM spazwavAcakam .
sadanaM ca smftaM toyaM sadanaM veSma ucyate .. 26 ..
toyaM sadmeti gaditaM nilayaM sadma nigadyate .
saMvaraM ca jalaM proktaM saMvaraH parvato Bavet .. 27 ..
saMvaraScA'suraH KyAto yo biBarti rasAM priyAm .
svaravAkkzmAsviqAM prAhuriqA cAmbaradevatAm .. 28 ..
patnIM candreriqAM prAhurilA tatsamatAM gatA .
aditiH pfTivI jYeyA devamAtA'ditiH kvacit .. 29 ..
aDyUQA BAryA parityaktA tvadBidiSca nigadyate .
vfzo DarmmaH kvacijjYeyo gavAmapi patirvfzaH .. 30 ..
vfzA karRaSca gadito vfzA coktaH SatakratuH .
rOhiReyo balaH prokto rOhiReyo buDaH kvacit .. 31 ..
baladevo mataH Sezo nAgo vA Seza ucyate .
rAmastu lAMgalI jYeyo rAmo dASaraTiH kvacit .. 32 ..
rAmaSca Suklo varRo rAmaSca kzatranASanaH .
varAhaH keSavaH KyAto varAho jaladaH kvacit .. 33 ..
varAhaH Sakaro jYeyo vizRurmeGo haristaTA .
ajArAwsmarendavo jYeyAstrinetraScApyajo mataH .. 34 ..
ajaH paSuSca viKyAto taTAjO brahmakeSavO .
SarIrajaH smfto rogaH putraScApi SarIrajaH .. 35 ..
;p{0103}
jYeyaM puzkaramabjaM ca nAganAsAgrameva ca .
kUlaM naBaH samAKyAtaM kUlaM roDaH pracakzate .. 36 ..
KaM cAnantamiti proktamanantaM ca balaM kvacit .
vizRuH kvacidanantaH syAnnAgaScAnanta ucyate .. 37 ..
prajApatiH smfto rAjA brahmA cApi prajApatiH .
prajApatiH smftaH kzattA kzattA ca cara ucyate .. 38 ..
vAmaH payoDaraH prokto vAmaH syAddraviRaM haraH .
vAmaSca madanaH prokto vAmaSca pratikUlake .. 39 ..
Agopo gopako jYeyaH kvacidAgopako DvajaH .
uraScANkaH samAKyAtaH sTAnamaNkaH smftastaTA .. 40 ..
vAsarastu smfto nAgo vAsaro divaso mataH .
viBAvasurniSA jYeyA ganDarvaSca kvacinmataH .. 41 ..
Sarvaryo rAtrayaH proktAH SarvaryaSca striyo matAH .
sAndraM Ganamiti proktaM snigDaM sAndraM nigadyate .. 42 ..
svaH svargasya mataM nAma svaH suKaM kvaciducyate .
sva AtmA cEva nirdizwaH svaH prokto gfhamUzikaH .. 43 ..
kakuSCandoviSezajYo mataH SAstrepi nA kakup .
kakummahIruhaH prokto jYeyAstu kakuBo diSaH .. 44 ..
kzayaM veSma samuddizwaM kzayaM rogaM pracakzate .
jaladastu plavo jYeyaH plavo jYeyastaToqupaH .. 45 ..
prAsAdo maRqapaH prokto vihAraScApi kaTyate .
GanaM GanaM vijAnIyAd GanaM vipulamucyate .. 46 ..
prayujyate ca kasmiMScid GanaM saNGAtavAdyayoH .
varUTaM syandanAgraM syAdvarUTaM veSma ucyate .. 47 ..
camUSca varma sahasA pravadanti manIziRaH .
asurASca surA jYeyAH kvaciddevArayo'surAH .. 48 ..
nAgASca dviradA jYeyAH pannagASca kvacinmatAH .
ganDarvaSca taTA vAyuH kvacitsyAd devagAyanaH .. 49 ..
tArkzyo hayaH samuddizwastArkzyaScApi patatrirAw .
bAleyAnasurAnAhurvAleyAMSca kvacit KarAn .. 50 ..
tfRI vanaspatiH proktA kvacidArdrASca kaTyate .
SiKarI vfkza uddizwaH SiKarI parvvataH smftaH .. 51 ..
dvijo vipraSca dantaSca dvijaH pakzI nigadyate .
cOro malimluco jYeyo vAtaScApi malimlucaH .. 52 ..
AtmajaM raktamuddizwaM sutaH kAmastaTEva ca .
kInASo mftako jYeyaH kInASaScApi rAkzasaH .. 53 ..
kInASo'gniH kftaGnaSca kfpaRo yama eva ca .
kInASaH karzako jYeyaH kInASaSca vfkodaraH .. 54 ..
avadAtaM praDAnaM syAdavadAtaM ca pARquram .
jyotirllocanamuddizwaM jyotirnakzatramucyate .. 55 ..
jyotiSca gadito vahniH kAvyezu munipuNgavEH .
praDAnaM sajjanaM jYeyaM praDAnaM Svetamucyate .. 56 ..
abdaH saMvatsaro jYeyo meGaScApi kvacinmataH .
balAhakA mahAmeGAH SiKarI ca balAhakaH .. 57 ..
toyadaM jaladaM prAhustoyadaM kaTyate Gftam .
jImUtaSca mato nAgo jImUtaH kvacidambudaH .. 58 ..
pOlastyaM tu mataM yudDaM pOlastyaM pOruzaM viduH .
SucikfdrajakaScEva prokto nityaM buDE rasaH .. 59 ..
parjanyaM jaladaM prAhuH parjanyaM tu SatakratuH .
SilImuKAH smftA bARA BramarASca SilImuKAH .. 60 ..
leKA sImeti vijYeyA leKA citrakftO matA .
ambarIzaM kvacidBrAzwraM kvacidyudDaM nigadyate .. 61 ..
puMstvaM cApi mataM yudDaM puMstvaM pOruzamucyate .
vidvAMso'ripavo jYeyA vidvAMsastvasavo matAH .. 62 ..
mAyA'vidyeti vijYeyA kvacinmAyA tu sAMvarI .
maDu drAkzIti vijYeyA kvacitsyAnmaDu mAkzikam .. 63 ..
maDu cAmbu samAKyAtaM surA ca maDusaMjYakA .
KaM raMDramiti vijYeyaM KaM gfhaM naBa eva ca .. 64 ..
Kamindriyamiti KyAtaM KaM ca nakzatramucyate .
DArtarAzwrA mahAhaMsA DftarAzwrasutAH kvacit .. 65 ..
praBAkaro mataH sUryo vahniScApi praBAkaraH .
sitaM Suklamiti jYeyaM sitaM badDaM pracakzate .. 66 ..
asitaM kfzRamityuktaM aSitaM BakzitaM smftam .
vaBrustu nakulo jYeyaH pARqavo nakulastaTA .. 67 ..
triSaNkumAhurmArjAramfziScApi taTezyate .
yamastu vAyaso jYeyo yamaH pretADipastaTA .. 68 ..
lakzmaRaM sArasaM vidyAttaTA daSaraTAtmajam .
lakzma candrasya kArzRyaM syAllakzmyaH ketuH prakIrtitaH .. 69 ..
ketuScApi mataH kAvye lakzmeti munipuNgavEH .
AruReyaH smfto dakzo dakzaScAcetasaH kvacit .. 70 ..
ASukArI BaveddakzaH syAdalI tomaraH smftaH .
AdityaM ca raviM vidyAd dEtyaScApyaditeH sutaH .. 71 ..
rogo rajastaTA reRU rajo lohitamucyate .
skanDo nitambasaMjYaH syAnnitambaM jaGanaM tawam .. 72 ..
hema vasviti vijYeyaM vasu tejo nigadyate .
sAraNgaM cAtakaM prAhuH savarRe cApi sitAsitI .. 73 ..
ramBASca kadalIH prAhU ramBA svargANganA matA .
grAvARo girijAH proktA meGAScApi manIziBiH .. 74 ..
;p{0104}
. . . . . . . . . . . . . . . . . . . . . . . . . . . . nigadyate .
OzaRaM rasamuddizwamftaM satyamapi kvacit .. 75 ..
akza Atmeti vijYeyaH kecidAhurviBItakam .
jYeyamindriyamakzaM ca SAkawaM karza eva ca .. 76 ..
akzaM ca pASakaM vidyAdvyAvahArikameva ca .
padmamindrayamityuktaM padmaM tAmarasaM viduH .. 77 ..
cEtyamAyatanaM proktaM nIqamAyatanaM taTA .
puzpaM lohitamuddizwaM puzpaM ca kusumaM taTA .. 78 ..
vAjI turaNgamo jYeyo vAjI Syeno vihaNgamaH .
vizRvindrasiMhamaRqUkacandrAdityA~stu vAnarAn .. 79 ..
vaBruSivAnilahayAn harInicCanti kovidAH .
puruzaDvajaliNgezu hayaBUzaRalakzmazu .. 80 ..
rAmaSezAvanIndrezu lalAmaM navasu smftam .
SukrA smftA'kzidozonA lavalI maYjarI taTA .. 81 ..
vakravaktraH Suko jYeyaH kokilA vacanapriyA .
pulinaM jalavicCedaH paNkajaM syAtkuSeSayam .. 82 ..
rataM pApamiti jYeyaM satvaraM SIGramucyate .
piSaNgaM rocanABaM syAnmecakastilako mataH .. 83 ..
lalAwe'vasTitaM cihnaM vidvadBistilakaM matam .
paricaryaM ca kawakaM nikazastu kazo mataH .. 84 ..
nAnAratnErupacitA maYjUza rAgiRI smftA .
dinakfdvAjisiMhezu kesaritvaM viDIyate .. 85 ..
avyakto maDuraH SabdaH kala ityaBiDIyate .
alAtamulmukaM jYeyaM Cedo nAma BayaNkaraH .. 86 ..
BAvaH SfNgAramADuryaM BAvo'vasTAprarUpaRam .
vilAsaH kAmajo dozastadeva lalitaM matam .. 87 ..
uttamANgaM vinA dehaM kabanDaM ceti Sasyate .
Siraso vezwanaM yadvE taduzRIzaM nigadyate .. 88 ..
AhataM samadIrGaM syAnniviqaM pIqitonnatam .
maRqUko BekasaMjYaH syAdvarzABUScAtako mataH .. 89 ..
SivA piNgavatI jYeyA viSAlaM sabalaM matam .
duScarmA SipivizwaH syAtkarzakastu kfzIbalaH .. 90 ..
kanyAjAtaSca PAnIno paRqaH klIba iti smftaH .
utkfzwaH SvasuraH syAtAM mlizwamavyaktavAcakam .. 91 ..
radano hastidantaH syAddAnaM kawakasaMjYitam .
todanaM cANkuSaM vidyAdAlAnaM hastibanDanam .. 92 ..
GanAGana iti KyAtaH SAstrezvaDikapOruzaH .
apAcInaM manojYaM ca budDirjYeyA tu SemuzI .. 93 ..
arkastu pAdape jYeyo nadI syAtPenavAhinI .
aSvAroho marudyAno'SvAnAM hfdaye DvaniH .. 94 ..
Akranda iti vijYeyaH KurASca SaPasaMjYitAH .
AmamAsaM BavetkravyaM pakvaM piSitamucyate .. 95 ..
SuzkaM tu virasaM jYeyaM mfzwaM sarasamucyate .
SaNKajaM SuktijaM cEva vArAhaM timimOktikam .. 96 ..
vaMSAdASIvizAnnAgAjjImUtAcca taTAzwamam .
lokajYo dakziRo jYeyo dakziRaSca turaH smftaH .. 97 ..
AkUtaM tu mataM vidyAtkaRwakaM gahanaM matam .
AnanaM cAkule netre cikuraM cApi Sasyate .. 98 ..
pApaH SyAma iti prokto vaBrustu kapilo mataH .
sTavizwaM sTAvare cEva davizwaM dUramucyate .. 99 ..
paramezWI mataH SrezWaH prema priyamudAhftam .
prakASaH strIgfheraktaH SElUza iti saMjYitaH .. 100 ..
padakfccarmmakAraH syAnnApitastvajayaH smftaH .
lAvaRyamAhurmADuryaM citraM ca SuBakarmmajam .. 101 ..
vyADayaScAmayAH proktAH pAnIyaM tu samuccayaH .
ADayastu smftAH prAjYEScittotpannA upadravAH .. 102 ..
raMho vegaH samAKyAtaH satraM saccaritaM smftam .
AlavAlaM smftaM sadBirapAM veganivAraRam .. 103 ..
cawakaH kalaviNkaH syAttulyaM sadfSamucyate .
kilAsaM pARquraM jYeyaM dolA preNKeti Sasyate .. 104 ..
mandiraM nagaraM jYeyaM nilayaM cApi mandiram .
sahasranayano'gAriH praGanaM yudDamucyate .. 105 ..
palASo harito varRRo mecako nIlapiYjaraH .
ukzARaM vfzaBaM vidyAllulAyo mahizo mataH .. 106 ..
usrA vanDyA vasA vehat pfzWohI garBiRI hi yA .
vyAKyAto maskaro veRustvacisAraH parikIrtitaH .. 107 ..
hilaM kAmaM SapaM cEva rozamAhurmanIziRaH .
kalaBo'lpavayo nAgaH kaluzaM cAvilaM matam .. 108 ..
vfjinaM kuwilaM vidyAtsamrAw rAjA ca BUBujO .
ratnaM vajraM vijAnIyAttriyAmA kzaRadA matA .. 109 ..
dIrGaM prAMSu vijAnIyAt hrasvaM nIcakamucyate .
BUri praBUtamuddizwamaBitaH sarvavAcakam .. 110 ..
pavanaScAnilo jYeyaH pavanaScADamo janaH .
priyavAkyo BavedAryaH snAtaSca parikIrtitaH .. 111 ..
AqambaraSca pawaho vyaYjanaM boDanaM matam .
vipaMcI vallakI KyAtA vIRA cEva nigadyate .. 112 ..
mAlatI sumanA jYeyA sumanA mudito janaH .
vallarI maYjarI KyAtA prapA'pSAlA prakIrtitAH .. 113 ..
;p{0105}
Ayurnirucyate toyaM tena jIvati padmakam .
tasya patrAkzimAnena rAmo rAjIvalocanaH .. 114 ..
utkftya kavacaM dehAdasfgdagDaM ca yatpurA .
indrAya dattavAnkarRastena vEkarttanaH smftaH .. 115 ..
tIkzRaScEva pracaRqaSca vfko nAmAnalo mataH .
sa pARqavasya udare tena BImo vfkodaraH .. 116 ..
yasya SrutimuKA vARI puRya-SlokaH sa ucyate .
yaH KedI cAnivarttI ca yudDaSORqaH sa ucyate .. 117 ..
mahAsaMsargasaNGAtaM mahezvAsaM pracakzate .
svavikramEstApayecca paraM . . . . . . yUTaM tApayet .. 118 ..
yUTaM tApayedyastaM vijYeyaSca sa yUTapaH .
tasmAdapi ca yo varyaH sa tu yUTapayUTapaH .. 119 ..
siMhAnnitAntasOvIraH sa nfsiMha iti smftaH .
ye hi spazwapravaktAro matAste vyaktavAdinaH .. 120 ..
yo yamitTaM ca nAmnAti sa kInASa iti smftaH .
yo'prabudDo'lpabudDiSca sa tu manda iti smftaH .. 121 ..
upakAraM tu yo hanti sa kftaGna iti smftaH .
harze garve suKe Kede vfdDO ca pratiBAsate .. 122 ..
snehaBAgyakzaye cEva mandaSabdo nigadyate .
nAtItya vartate yatra tadaDyAtmaM pracakzate .. 123 ..
cetasaSca samADAnaM samADiriti gadyate .
sarvakleSavinirmukto sa hi dAnta iti smftaH .. 124 ..
nirmamo nirahaNkAro vijYeyaH CinnasaMSayaH .
pradAtA deSakAlajYaH samADisTaH sa ucyate .. 125 ..
muKaro'lpamatiryastu sakroDaScEva kIwakaH .
vfttiryatra tu gfhyAnAM parokze bahiH tatkriyA .. 126 ..
AhAravyavahArezu sA prItirnirupaskarA .
parasparaM svadArezu satAM yezAM pravartate .. 127 ..
viSramBAtpraRayAdvApi sA prItirnirupadravA .
yaSaH KyAtiriti proktaM tadyogAtprAhurucyate .. 128 ..
kIrtiKyAtiyaSoyogAd Bagavanniti cocyate .
priyadAnezu yaH SudDaH sa udAra iti smftaH .. 129 ..
rajasvalA tu yA nArI sA codakyA prakIrtitA .
prItirBAvakriye svacCarakzAliMgitanuM vipum? .. 130 ..
tejo retasi dIptO tapo hi syAd vfzArTakaH .
yo'nyajAto hano jIvaH sa SarArU iti smftaH .. 131 ..
miTyAdfzwirahaMmAnI nAstikaH saH prakIrttitaH .
kAmaH kroDaSca vE pUrve loBo'satyaM ca maDyame .. 132 ..
ante moho vizAdaSca yasya jYeyaH sa zaqvadaH .
amfte jArajaH kuRqo mfte Barttari golakaH .. 133 ..
anayoryo'nnamaSnAti sa kuRqASI nigadyate .
BrURastrI garBiRI bAlA brAhmaRI brahmajIvinI .. 134 ..
paracitte yavIyAn yoH jyezWapatnIM parAmfSan .
yaH paScimaSca jyezWo'pi paricittaH sa ucyate .. 135 ..
puzpajaM kzomajaM carmmakoSajaM BarmmajaM taTA .
guRajaM ca samuddizwaM tadBedA vastrajAtizu .. 136 ..
bimbAraktaDarA yA strI bimbozWIM tAM vinirddiSet .
yA syAt saMkrIqanaparA lalanAM tAM vinirddiSet .. 137 ..
dUrvvAkARqapratIkASA kuMBO yasyAstanU kucO .
sarvarUpaviviktANgI sA BavedvaravarRRinI .. 138 ..
lAvaRyayuktA yA nArI lalitAM tAM vinirddiSet .
yA mattA mattavajjyotiH sA jYeyA mattakASinI .. 139 ..
BUriSca BUrimuddizwaM annaM Srava iti smftam .
BUri Sravo dadAtIha tasmAd BUriSravo hi saH .. 140 ..
catuzpAd‌viMSatiBujo lohitagrIva eva ca .
nisargAddAruRAtkrUrAdravaRAd rAvaRaH smftaH .. 141 ..
rozaRA yA BavennArI BAminIM tAM vinirddiSet .
nyagroDalakzaRaM vidyAddaDAnA parimaRqalam .. 142 ..
tAByAmupetA vanitA nyagroDaparimaRqalA .
tattulye cAkziRI yasyAH sA strI rAjIvalocanA .. 143 ..
varRapramARanirGozo'CinnasaMpadBiranvitaH .
rAjIvamanye SaMsanti snigDavarRaM sitAsitam .. 144 ..
kiMciduttaratadyogAtsItA rAjIvalocanA .
baliBiryAstriBiryuktA SaNKakaRWI udAhftA .. 145 ..
. . . . . . jarAkarAkAraM syandanAgramivAgrataH .
vastve . . . ti tajjYeyaM tasyEvAgraM . . . . . . . . . .. 146 ..
. . . . . . ttaM marmasaMyuktaM tattaTAlinamucyate .
grahaRe DAraRe sAme vAhane DarmasaMyutA .. 147 ..
ramaRe krIqane saNge BAryA nAma pravarttate .
mUQatAyAM savidyAyAM saptASvastvaMSumAlini .. 148 ..
vizamAkzadarA ete jYeyAgraM tEH visaMsTitAH .
kowarasTA iti jYeyAH sarppakIwaKagAdayaH .. 149 ..
AtAmrapallavo yastu vfkzARAmacirodgamaH .
. . . . . . . . . . . . . . . . . . . . . . . . . . . . . . . .. 150 ..
sOkumAryaM kisalayaM komalatvaM ca tatsmftam .
SatAnAM ca caturhastaM nalvaM tadihasaMjYitam .. 151 ..
kumBo vAhaH prasTaH samaM nalva iti viDIyate .
vipinaM SUnyamityuktaM vipinaM gfhameva ca .. 152 ..
rukma varRRaM ca vAmaM ca darSanIyArTavAcakaH .
sarvArTaScApyuvarRaSca pAnIyaM SItamucyate .. 153 ..
nIhAraM SItamityuktaM pradozAnto niSITakaH .
. . . . . . . . . . . . . . . . . . . . . . . . . . . . . . . .. 154 ..
;c{iti mahAkaviSrIDanaYjayakfte niGaRwusamaye SabdasaMkIrRe anekArTaprarUpaRo dvitIyaparicCedaH .. 2 ..}