SrI vIrapARqyaBUpAlaviracita-kriyAniGaRwu-prAramBaH
Slokezu yaTA-

DAtuprayogaparyAye kecitkAvyopayoginaH .
vIrapARqyakzitISena vakzyante SikzituM SiSUn .. 1 ..
vidyatestiBavatyatra syAdastustAdBavatvapi .
BUyAdBavettu BavatAdvidyatAM SrIrjagattraye .. 2 ..
sampadyate jAyate ca jajantyutpadyate jagat .
samBavatyAvirBavati prAdurBavati sarvadA .. 3 ..
tizWatyAste vartate ca vasatyatra gfhe ramA .
prARiti Svasiti SreyAnyaH parArTAya jIvati .. 4 ..
racayati karoti kurute vidaDAti viDatta AdaDAtyAryaH .
sampAdayati taTAsAvADatte sfjyate sOKyam .. 5 ..
utpAdayati sfjati ca nirvartayatIha sADayatyASu .
rADnoti ca sADnoti ca rADyati sADyati ca siDyati prItim .. 6 ..
prasUyate prasUte ca prasUzati suvatyapi .
prasavatyapi sOtyezA putraM puRyavatI satI ..
pratizWateYcatyayate vrajatyayati sarpati .
fcCatyawati yAtyeti saratIyarti gacCati .. 7 ..
haMmati dravati grAmaM grAmatyamatimImati .
sasarti ca jihIte ca calatyaBrati DAvati .. 8 ..
sraMsate BraMSate vastraM DvaMsateNgAtpatatyagAt .
BraSyate BraSyati PalaM qayate qIyate KagaH .. 9 ..
Acazwe vakti vAkyaM kaTayati gadati vyaktamABAzate'sO vyAKyAti prabravIti pravadati rawati vyAharatyAgfRAti .
10 ..
brUte saNkIrtayatyAravati lapati codIrayatyAha jalpatyatyantaM SrIpate tvaM kvaRati BaRati mAM rakza rakzeti DImAn ..
nAdayate nadate'Rati vaRati vanatyeza jalpate japati .
aBiDatte'BidaDAtIca vAdayati hrAdayatyenam .. 11 ..
nAwayati nawati nftyati gAyati kAyati ca kUrdate kilati .
krIqatidIvyatikelatiKelati viharati ca KUrdate ramate .. 12 ..
kakkatikaKatiprahasatigagGatiGagGati ca takkati smayate .
nikzati cumbati nikaste tanvyA muKapaNkajaM preyAn .. 13 ..
dadAti datte vitaratyarpayatyeza yacCati .
dadaterpayatecArTaM sanoti sanuterTine .. 14 ..
rakzatyavati dayate pAtipAlayati priyaM .
trAyate nayate rAjA gopAyati Bunakti ca .. 15 ..
namatinamasyativizRuM praRipatati ca vandate'BivAdayate .
IwwenOtidanuvatistuteca SaMsatyayaM stOti .. 16 ..
stavItI qayatistotrEH katTate SlAGate gurUn .
paRAyate panAyate paRAyati panAyati .. 17 ..
arcatyarhatimahaticamahayatipUjayatiyajatiyajateca .
aYcatyarcayate'yaMpUjatimAnayaticArhayatyAryAn .. 18 ..
pacatepacatiSrAtiranDayatyatrapAcakaH .
SrAyatyannaM SrapayatitaTASrApayatikzaRAt .. 19 ..
BrajjateBrajjatiBrAzwre BarjatecaRakAnayaM .
majjatyAplavatesnAtigaNgAyAmavagAhate .. 20 ..
aSnAti valBate BuNkte jematipratyavasyati .
Danyo'ByavaharatyannaM saMviBajyArTiBissaha .. 21 ..
carvatipsAtitAmbUlaM Bakzayatyatti KAdati .
DayatyAcAmatipayassadApibaticUzati .. 22 ..
gilatigrasatigrAsaM giratigrasate taTA .
vamatyudgiraticCardatyasO CardayatikzaRAt .. 23 ..
nizWIvyatikzipyatica nizWIvatinirasyati .
kzipatisnuhyatikzipramudgArayati Bakzitam .. 24 ..
vettijAnAtijAnIte tattvaM boDatiboDate .
pratyeticopalaBatebudDyatepratipadyate .. 25 ..
utprekzate ca manutecotpaSyati ca manyate .
samBAvayatyUhate ca vicArayati tattvataH .. 26 ..
vintevimfSatitarkativitarkayatyatiSayAnnirUpayati .
parigaRayatimImAsatyAlocayati sPuwaM parAmfSati .. 27 ..
Alocayate kAryaM yo rAjA sa pratIyate sOKyam .
cintayati smarati hariM DyAyatyaDyetiBAvayatyAryaH .. 28 ..
paSyatyAlokate kAntAmIkzate locate patiH .
SfRotyAkarRayati ca niSAmayati tadvacaH .. 29 ..
jiGratiSiNGatikamalaM rasayatyAsvAdayatyasO leQi .
AlaBatespfSatiparAmfSaticCupatipriyAM nATaH .. 30 ..
visPuratiprasPuratisPUrjatyaTa nirRayatyavasyati ca .
avaDArayati ca kAryaM niScinuteniScinotyAryaH .. 31 ..
sandigDe saMSete sandegDiviSaNkateviSete ca .
vicikitsativimfSatti cAndoLayaticetyaBinnArTAH .. 32 ..
mArayatihantiviSasatikfzatihinastipramApayatyAjO .
mInAtidrURAtikfRoti ca nibarhayatyarTArdayate .. 33 ..
mInItekURItesaMharatitfReQisUdayatyezaH .
kfRutekfRAtilumpatilumBati SatrUn kfRIte ca .. 34 ..
kziRotikziRute cEva kziRati kzayatItyapi .
dahatiprozatiplozatyozatipluzyati dvizam .. 35 ..
Apadyate ca laBateprApnotica vindateca vindati rAw .
AsAdayati ca BavateBAvayate sampadaM DIraH .. 36 ..
prerayatiprelayatiprezayatiprezyatipracodayatikzipyati .
suvatikzipativyApArayatIha nudati nudate ca .. 37 ..
AjYApayatiniyuNkteprahiRotiniyojayatyalaM kzipate .
BajateBajatiSrayateSrayati nfpaM sevate sajati .. 38 ..
vfkzaM tvakzatitakzatidyatipumAn takzRotisaMvfScati .
CinteCedayaticCinattica lunAtyAKaRqatemuRqati .. 39 ..
. pASaM toqatitoqayatyapi KuratyAKaRqayatyanvahaM .
kfntatyatra CinattitruwyatilunItidacCyatIme samAH ..
aBilazatIcCativAMcCatigfDyatiluByaticavazwi kAMkzati ca .
spfhayatyASAste'rTaM kAmayate'pekzate'rTayate .. 40 ..
garDayatIpsativarayatigarDatikAmayatikAMkzate premRA .
DrAMkzativAMkzatiDImAn DvAMkzatidrAMkzatiSriyaM mokze .. 41 ..
mokzatyapAvutsfjatijahAtyujJatimuYcati .
muYcatemocayatyASu suDIH pariharatyaGam .. 42 ..
mokzayatirahatirahayativarjayativfRaktijasyatityajati .
kfzatekarzatikfzyativiliKati BUmiM sadA kfzikaH .. 43 ..
pratiziDyativArayatipratizeDati tannirAkarotyalpAt .
pratyAdiSati ca dozAt pratyAcazwenizeDati prAjYaH .. 44 ..
staBnAtistamBate cEva staBnotistoBate taTA .
stuBnAti pratibaDnAtistuBnotiskoBate taTA .. 45 ..
skuBnAti ca vihantyezaskuBnotiskamBate ripUn .
skaBnotiskaBnAti cEte SabdAstulyArTavAcakAH .. 46 ..
sahatemfzyatimarzatititikzatemfzyate taTA mfzati .
marzayatikzAmyati ca kzamatemfzayatyasO sahati .. 47 ..
SakyateSakyatibuDassahayatyapi durvacaH .
yaccarcayatyaDIte ca SikzatepaWatiSrutam .. 48 ..
eDatevarDatenandatyfDyatisPAyate buDaH .
fDnotistyAyatenityaM nItimAn puzyati Sriyam .. 49 ..
yatatevyApriyate'sO prayasyativyApipartiGawate ca .
cezwata Ihata eza sPuratyalaM spandate cakzuH .. 50 ..
tudatetudatidunotivyaTayatidUHKayatirujatitApayati .
kliSnAtiKedayatyapi pIqayati ripUn praSUlayati .. 51 ..
DukzateDikzate nityaM bADate bADayatyapi .
SunDatikleSayatyeza taTA vunDati luRWati .. 52 ..
vyaTatetAmyatiKindatisantapati ca dUyate ca Socati ca .
glAyaticamlAyatica kliSyatyAKidyate ca sIdati ca .. 53 ..
DUpAyatekleSatecaKintekarjatiKarjati .
ete DAtuprayogAH KalvIzadekArTasUcakAH .. 54 ..
murayati ca guRayatiguDyativawatistyAyatica vezwate vastram .
guRWayatimuRqate'sO vaRqata ityekavAcakASSabdAH .. 55 ..
sinutesinotinahyatibaDnAtisinAtinahyatejuqati .
ASuyunAtiyunItepASayati sinIta eza kIlayati .. 56 ..
DunotiDunute pucCaM DUnotiDuvati sPuwam .
DunAtI ca DunIte ca kampayatyeza DUnute .. 57 ..
Adatte saMBajate saMBajati svIkaroti gfhRIte .
gfhRAti cAdadAti grAhayati vfRIta ityaBinnArTAH .. 58 ..
viloqayatimaTnAti KajatyAloqayatyapi .
maTatyabDiM manTatica vyAloqati viloqati .. 59 ..
kupyatikruDyatidvezwiruzyatidruhyatIrzyati .
rozatyasUyati taTA rozayatyaraye BawaH .. 60 ..
prAvfRutekumBayatestfRotivastrEstfRAtikumBayatica .
stfRutecAcCAdayatiprorRotiprorRute svANgam .. 61 ..
prAvfRotistfRIteTa vidArayati hfdgataM .
BinattisPowayatyeza BintedArayatisPuwam .. 62 ..
pidaDAtisTagayati piDatte cAvfRoti ca .
apiDatte cAvfRutecCAdayatyanyadurguRAn .. 63 ..
kampate vepate tvaMgatyajatipracalatyapi .
nidrAtica vawuSSetesastica svapitItyapi .. 64 ..
ruRwatiluRwatimuzatica mozati muzRAti corayatyarTam .
luRwayatigrocatica glocatikojaticaBojatikzatabudDiH .. 65 ..
biBetyudvijate trasyatyeza trasati SaNkate .
vidrAtividravatyeza DAvatyapi palAyate .. 66 ..
BramatiBrAmyatiBrAmayatyAGuRati .
GoRateGUrRati taTA kIrtiste Buvanatraye .. 67 ..
taMsatyalaNkarotyeza BUzayatyapi BUzate prasADayatyapi guREryA maRqayati maRqati .. 68 ..
dyotateSoBatesamyagBAsate ca prakASate .
BrAjatedIpyateBAti rAjA rAjatirAjate .. 69 ..
hawatyayaM kanatica taTA SumBatiSumBate .
cakAsti rocate cEva BrASate BlASate buDaH .. 70 ..
ScyotatikzaratikzIraM stanAtsravati sUdate .
vatsaM pAti ca puzRAtipuzyatyupacinoti ca .. 71 ..
nadatiDvanatirOtikOtisvanatikUjati .
kavate kuvate pakzI taTA kuYjati guYjati .. 72 ..
jugupsatekutsayate vigarhayatinindati .
garhateglahatepApAttaTA bIBatsate suDIH .. 73 ..
SapateSapatikroDAttaTA SapyatiSapyate .
AkroSatyAkzipati ca durjanaM sakalo janaH .. 74 ..
jihretitrasatehrIcCatyalaM vrIqatilajjate .
lajjate duScaritrARi dfzwvAnyasya svayaMsuDIH .. 75 ..
ASlizyatyAliNgati pariraBate digvaDUH parizvajate .
upagUhati kIrtiSrIH kundendusamapraBAvI buDaH .. 76 ..
svadatesvAdatekzIraM svardate rocate nfRAM .
drAyatiprIyate caturBuktvA tfpati tfpyati .. 77 ..
prIRAtitarpayatyalamAhlAdayativA tfpnoti .
santozayatiDinotiprIRayatipfRotisuKayati prOqaH .. 78 ..
snihyatitUzatituzyatihfzyati dfzwvEva modate kAntam .
dfpyatimAdyatikarvatiKarvati sA kzIbate ca garvati ca .. 79 ..
vicinotyavekzate'sAvanvizyatimfgayate gavezayati .
anvezate ca mArgatimArgayati ca vicinute dozAn .. 80 ..
AkArayatyAhvayati svamAmantrayate priyaM .
aTa paryanuyuNkte'sAvanuyuNkte sa pfcCati .. 81 ..
parivartate nivartata eza vyAvartate ca gatvEva .
vyAGawate ca parAvartata ityekavAcakASSabdAH .. 82 ..
upadegDyupadigDe sA limpati rUzati ca kuNkumaM Curati .
dfzwvA prARADISaM vikirati vikzipati pAdayoH kusumam .. 83 ..
Saknoti sahate jetuM sahati praBavatyalam .
tarati plavate jYAnasetunA BavavAriDiM .. 84 ..
saNgrAmayate jajati ca saMpraharati yuDyate ca jaMjati ca .
Ahanti ca gadayA'sO yuDyati santApayatyalaM SatrUn .. 85 ..
kandati krandati klandatyAkroSati ca kandate .
krandate klandate SocatyalaM roditi durmatiH .. 86 ..
pralamBayati baDnAti taTA garDayate KalaH .
pratArayatyalpabudDIMstadA vaMcayate narAn .. 88 ..
varivasyati paricarati ca paryaNkte sevate Bajati .
SuSrUzate ca Bajate Srayate cArADayatyupAste ca .. 89 ..
prasAdayati deveSaM taTopacarati sPuwaM .
paryaMjati taTA DImAn prAyeREkArTavAcakAH .. 90 ..
manatyaByasyati kalAssaMSIlayati SIlati .
visramBate viSvasiti pratyeti ca satAM vacaH .. 91 ..
unmIlayati ca vilasati vikasati ca sPowate sPuwatyASu .
unmezatyunmizati prabuDyate jfmBate padmam .. 92 ..
pUtvA pavitvA praSamayya nazwvA naSitvA ca vihAya hitvA .
saMnyasya saMsAya niKAya KAtvAsaNgatyasaMgamyanihatyahatvA .. 93
mfqitvA mfditvA kupitvAkuzitvAmfzitvAruzitvAviditvAgfhItvA .
kfzitvAcakftvAmuzitvAkliSitvAKanitvAkzuDitvAvacitvA
lucitvA .. 94 ..
paMcitvAvaMcitvAluMcitvAkramyacakramitvAca .
tarzitvAmarzitvAkarzitvAtattvatoguDitvA ca .. 95 ..
gumPitvAlumPitvAloBitvA Kalu luBitvA ca .
klizwvApaktvArudDvAbadDvApraskandyanizkaMdya .. 96 ..
matvA KAtvAjYAtvAgranTitvAcagraDitvAca .
artitvAnartitvAprApayyasamApyacAMcitvA .. 97 ..
pItvAparivyAyaviDAyacoktvAvyAKyAyaDItvAparivIyaDitvA .
saMvyAyasaMkzIyavijAyamItvAvijityasaMmanyamanomanitvA .. 98 ..
vigAyAvamAyAvamatyapramatyaprayamyaprayatyapraRatyapraRamya .
nimAyapramAyapralAyapralIyapravfScyaprapAyaprahAyapradAya .. 99 ..
datvAdAtvAditvADItvAprasTAyacasTitvA .
natvAmitvAmItvAsaMdAyavihAyacArusaMmAya .. 100 ..
dyUtvAjalitvAvfScitvAkzUtvAvftvAvivftya ca .
tarRitvADakzaRitvAcaprakzityAdicohyatAm .. 101 ..
iti SrIpARqyaBUpAlaviracitakriyAniGaRwuH samAptaH .