;METADATA
;title{sidDaSabdArRava}
;author{sahajakIrti}
;bookFullName{Siddhaśabdārṇava of Sahajakīrti}
;bookSeriesDetails{Building Centenary and Silver Jubilee Series: 54}
;editor{Murlidhar Gajanan Panse}
;editorQualifications{M. A., Ph. D., Reader in Indo-Aryan Linguistics, Deccan College Postgraduate and Research Institute, Poona}
;publisher{Dr. S. M. Katre for the Deccan College Postgraduate and Research Institute, Poona 6.}
;pressDetails{Shri D. V. Ambedkar at Aryabhushan Press, 915/1, Shviaji Nagar, Poona 4.}
;publicationYear{1965 A.D.}
;dataEntryBy{Dr. Dhaval Patel}
;dataEntryEmail{drdhaval2785@gmail.com}
;proofReadBy{Dr. Dhaval Patel}
;proofReaderEmail{drdhaval2785@gmail.com}
;annotatedBy{}
;annotatorEmail{}
;version{0.1.0}
;projectDetails{This project is aimed at creating a database and related software tools to access Indian koshas, both online and offline. The project is funded by generous donation of Shree Ramkrishna Knowledge Fondation, Surat.}
;projectWebPage{http://github.com/sanskrit-kosha/kosha}
;emailTo{drdhaval2785@gmail.com}
;description{}
;shortCode{SSSK}
;funding{Shree Ramkrishna Knowledge Foundation.}
;licence{GNU GPL v3.0}
;credits{1. SRKKF for funding. 2. Google OCR for providing us raw OCR data to work with. 3. Dr. Dhaval Patel for spending time to type and proofread the data.}
;dataFormatDetails{See https://github.com/sanskrit-kosha/kosha/blob/master/docs/annotation_thoughts.md for details.}
;editorialChanges{}
;nymic{homo}
;pagenum{true}
;linenum{false}
;chapterArrangements{kanda holds varga.}
;newVerseNumbersAtChangeOf{kanda}
;newLineNumbersAtChangeOf{none}
;version0.0.1{08 March 2020}
;version0.0.2{28 March 2020}
;version0.0.3{13 June 2020}
;version0.0.4{13 June 2020}
;version0.1.0{13 June 2020}
;version0.2.0{}
;version0.2.1{}
;version0.2.2{}
;version0.3.0{}
;version0.3.1{}
;version0.3.2{}
;version0.3.3{}
;version0.3.4{}
;version0.3.5{}
;version0.3.6{}
;version1.0.0{}
;CONTENT
;p{0001}
;k{praTamaH kARqaH}
smftvA sarvajYamAtmArTI sidDaSabdArRavo jinAt .
saliNganirRayaM nAmakoSaM sidDaM smftiM naye .. 1 ..
asti saptaviDaM nAma pumAn strI syAnnapuMsakam .
aklIbako'pumAnastrI triliNgaM, triviDaM punaH .. 2 ..
rUQayOgikamiSrastvAdyOgikaM triviDaM matam .
kriyAguRapraBedena taTA sambanDaBedataH .. 3 ..
karotyAdyA kriyA nIlapItAdiSca guRastaTA .
svasvAmitvAdiko'nekaviDassambanDa IkzitaH .. 4 ..
rUQAdInAM trayARAM ca lakzaRaM SAstrato'nyataH .
jYeyaM taTA pUrvaSabdaM tvantATAdI na gacCataH .. 5 ..
;v{jEnADikAraH}
paramezWI jagannATo jinaH SamBurjitasmaraH .
arhanpAragataH SrImAnBagavAnpuruzottamaH .. 6 ..
azwakarmApahaH svAmI trikAlajYo jineSvaraH .
tIrTaMkarastIrTakaro vItarAgo niraYjanaH .. 7 ..
sarvajYaH kevalI devADidevo boDadAyakaH .
AptaH sArvaH sarvadarSI syAdvAdI BayanASakaH .. 8 ..
svayamBUrjitamoho'syAgraRIH Sizyo gaRADipaH .
gaRI labDaniDiH Sizwo vinayI SrutapAragaH .. 9 ..
tapasvI guRavAMstasya SizyaH sAmAnyato muniH .
aklIbo nirmamo vAcaMyamaH sADuryatiryatI .. 10 ..
mumukzuH SramaRo BikzurnirgranTo nizparigrahaH .
anagAra fzirmOnI dayADIrastapoDanaH .. 11 ..
;p{0002}
tasyAyatO sTitirmokzaH sarvaduHKakzayo'BramaH .
apavargo mahAnando'punarBavamahodayO .. 12 ..
SItIBAvo'ntikaH Sreyo'mftaM kEvalyamakzaram .
nirvARamacalaM niSreyasaM niryARaSASvate .. 13 ..
nEScityaM klIbake'mUni brahmA'strI SAntinirvftI .
sidDistrIRi striyAM proktaM Sivamatra napuMsake .. 14 ..
asyopAyo Bavedyogo jYAnaSradDAcaritrayuk .
ahiMsA satyamasteyaM brahma nirloBatA yamAH .. 15 ..
paYcEte, tasya tadvAkyamAgamaH samayaH Srutam .
samAH sidDAntarAdDAntakftAntA AptavAk striyAm .. 16 ..
tapaH SOcaM ca saMtozaH praRiDAnaM ca dEvatam .
svADyAya eta eva syurniyamA yogasidDaye .. 17 ..
AsanaM karaRaM cApi vizayeByo nivartanam .
indriyARAM sa yogANgaH pratyAhAro nigadyate .. 18 ..
prARAyAmaH sa nu SvAsocCvAsoryanniroDanam .
prARayamo'pyaTa Dyeye manasaH sTiratA DftiH .. 19 ..
;p{0003}
ekAgracitta[tA] Dyeye, DyAnaM DyeyAvalambanam .
DyAnenEva samADiH syAdyamena sahitA amI .. 20 ..
niyamaH karaRaM pratyAhAraH prARayamo DftiH .
DyAnaM samADirityazwAveBiryogo vimuktaye .. 21 ..
tadukto'yamaTo mOnamastrI punaraBAzaRam .
klIbe, DarmopadezwA syAdgururvyAKyAviDAyakaH .. 22 ..
AcAryaH pAWako BUya upADyAyo gaRiH, Srute .
sANge'DItI tvanUcAno, vivekaH syAdvivecanam .. 23 ..
guruSizyapraSizyAdi kulamAmnAya AdftaH .
gurukramaH sampradAyaH pAramparyaM napuMsake .. 24 ..
tulyAgamavratAcArA miTaH sabrahmacAriRaH .
satIrTyA ekaguravo BUyo'Ta niyamasTitiH .. 25 ..
parivrajyA ta[pa]syA syuH striyAM BUyo vratagrahaH .
CAtraH Sizyo vineyo'ntevAsI prATamakalpikaH .. 26 ..
SEkzastasmAdBadramadre SivaM maNgalamastriyAm .
SuBaM SvaHSreyasaM kzemamastrI BavikaBAvuke .. 27 ..
;p{0004}
su(?)kftaM sUkftaM SvovasIyasaM kuSalaM taTA .
BavyaM kAmyaM ca kalyARaM SastaM Sreyo napuMsake .. 28 ..
;c{iti jEnADikAraH .}
;v{jEnetarADikAraH}
DarmaDAturjino boDisattvaH SAstA trikAlavit .
AryastaTAgato budDaH sugato daSaBUmigaH .. 29 ..
munIndraH SrIGano dvAdaSAkzo daSabalo muniH .
mahAmEtro daSArhastrikAyo vijYAnamAtfkaH .. 30 ..
dayAkUrcaScatustriMSajjAtakajYo vinAyakaH .
saMguptaScAdvayo DarmarAjo mAra-Ka-lokajit .. 31 ..
zaqaBijYo mahAsattvaH paYcajYAnaH suniScitaH .
guRAbDirBagavAnarhan boDirvijYAnadeSanaH .. 32 ..
samantaBadraH syAllokanATo yogI same ca te .
saptabudDA vipaSyAdyAH SAkyasiMho'sti tezu yaH .. 33 ..
SOdDodanirgOtamaH sa mAyAdevIsuto'pi ca .
devadattAprajo rAhulasUH syAdarkabAnDavaH .. 34 ..
sarvArTasidDo'Ta viDirviriYci-
rDAtA svayamBUH sTaviro viraYcaH .
srazwA viDAtA kavivedagarBO
brahmA''tmaBUrnABiBuvo Druvo'jaH .. 35 ..
veDAH prajApaticaturmuKahaMsagAH ko
lokeSasAttvikaBavAntakfto'bjayoniH .
padmAsanaH SataDftiH kamano hiraRya-
garBaH purARagapitAmahasamBavASca .. 36 ..
;p{0005}
viSvaretA jagatkartA SatAnando viraYcanaH .
paramezWI surajyezWaH kzetrajYo druGaRaH punaH .. 37 ..
syAdazwaSravaRo BUyo druhiRo,'Ta janArdanaH .
vizRurjizRurhfzIkeSo harinArAyaRAcyutAH .. 38 ..
narAyaRo jagannATo dASArhaH puruzottamaH .
SrIpatiH SrIDaro viSvarUpo dAmodaro jinaH .. 39 ..
viDuH pItAmbaro mArjaH SOristArkzyaDvajaH svaBUH .
sanAtanaH padmanABo vAsudevo vfzAkapiH .. 40 ..
keSavo'Dokzajo vizvakseno'bDiSayanaH punaH .
punarvasurajaH kfzRaH padmeSayakumodakO .. 41 ..
vanamAlI muYjakeSI SatAvartto gadAgrajaH .
indrAnuja upendraSca somasinDuScaturBujaH .. 42 ..
gopendro devakIsUnurmukundo DaraRIDaraH .
zaqbinduH puRqarIkAkzaH SArNgI viSvamBaraH punaH .. 43 ..
pfSniSfNgo yadunATa AtmaBUH pARqavAyanaH .
govindaH SaSibinduSca vEkuRWo baBruveDasO .. 44 ..
suvarRabindurdEtyAriH purARapuruzo'pi ca .
jahnustrivikramo yajYapuruzo mADavaH punaH .. 45 ..
SrIvatsaBfcca SrIvatsaScakraBft SaNKaBfttaTA .
govarDanaDaraScApi gadABfdvizwaraSravAH .. 46 ..
hiraRyakeSaH SravaRastamaGno vAyuvAhanaH .
caturvyUha UrDvakarmA parAvidDo'parAjitaH .. 47 ..
puRyaSloka urugAtrastIrTapAda urukramaH .
daSAvatAraH SrIgarBo latAparRaH sahasrajit .. 48 ..
vfzotsAho varDamAnaH suzeRaSca zaqaNgajit .
kratuDAmA bahurUpo viDAtA samitiMjayaH .. 49 ..
;p{0006}
hiraRyanABaH kapilo vAsuBadro mahAtapAH .
SrIkaro BadrakapilaH kAlakuRWaH sarIsfpaH .. 50 ..
ekadfk DarmanABo'pi sUkzmanABaH surottamaH .
lokanABaH padmahAso mahAhaMsa udAraDIH .. 51 ..
vfndArakaH sTiraH somEkapAddvipadastripAt .
triDAmA trikakullohitAkzo DanvA ca viSvaBuk .. 52 ..
vfkzanemiryavanAriH suDanvA'DomuKaH kapiH .
SatavIro brahmanABaH padmagarBo vfzodaraH .. 53 ..
ekaSfNgo bahuSfNgaH puzpahAso baliMdamaH .
navaSaktirahiH pAMSujAlikaH syAnmahAkramaH .. 54 ..
ratnabAhurmahAmAya ekANgaSca pramardanaH .
yamakAlaH SatAnandaH suvfzaH Sarurityapi .. 55 ..
suyAmunaH SrIvarAhaH sadAyogI suBadrakaH .
nfsiMhavapurAsando'vyayaH syAcCivakIrtanaH .. 56 ..
kaMsapraBftayo dEtyA vaDyA, asya taTA pitA .
AnakadunduBirBUkaSyapo dindustaTA punaH .. 57 ..
vasudevo BujamaDye kOstuBo,'sya syamantakaH .
maRiH, kare gadA kOmodakI, SArNgaM DanustaTA .. 58 ..
cakraM sudarSano [nAma], nandako'siSca, vAhanam .
garuqaH,ScihnaM SrIvatsaH, pAYcajanyABiDo mahAn .. 59 ..
;p{0007}
SaNKo'Ta muSalI rAmo halI kfzRAgrajo balaH .
saMkarzaRo rOhiReyaH kAmapAlaH sitAsitaH .. 60 ..
tAlalakzmA balaBadro baladevaH pralambaBit .
yamunArukmiBid revatISo'nanto maDupriyaH .. 61 ..
nIlavastro balI PAlaH ekakuRqalasAttvatO .
SezAhinAmaBfd guptavaro BadrANga ityapi .. 62 ..
pralApI pOraH syAdBadrAcalano,'sya napuMsake .
halaM saMvarttakaM sOnandaM klIbe muSalaM tvaTo .. 63 ..
kzIrodatanayA tA sA mA SrIH padmA haripriyA .
ramA lakzmIH padmavAsA yA vizRuSaktirBarBarI .. 64 ..
indirA kamalA lokamAtA kzIrAbDimAnuzI .
aTa kAmaH kalAkeliH kandarpaH kamanaH smaraH .. 65 ..
madano darpako'naNgo'nanyajo manmaTo'NgajaH .
jarABIrurmaDudIpo hfcCayo maDusAraTiH .. 66 ..
SrInandano manoyoniH pramattaH puzpaketanaH .
AtmaBUryOvanodBedaH sarvaDanvI prakarzakaH .. 67 ..
rAgarajjuH SiKimftyurmanodAhI mahotsavaH .
saMkalpayonirvizamAyuDo,'sya ramaRI ratiH .. 68 ..
bARAH paYca, DvajO mInakarO, kusumAni ca .
bARaDanurAyuDAni, SatrU SambaraSUrpakO .. 69 ..
;p{0008}
maDumitraM, taTA putraH uzeSo brahmasUH punaH .
anirudDaH syAdfzyANkaH, sOparReyo vizApahaH .. 70 ..
sarpArAtirvEnateyastArkzyo vizRuraTo'pi ca .
pakzisvAmI vajratuRqaH suDAhfdvajrajittaTA .. 71 ..
mahAvegaH svarRakAyaH pakzisiMho viSAlakaH .
garutmAn garuqaH SAlmalI kAmAyustu kASyapiH .. 72 ..
nAgAntakaH suparRo,'Ta nIlakaRWo mahAvratI .
ISAna ISa uqqISo BImo DUrjawiSaMkarO .. 73 ..
girISo giriSaH zaRQaH UrDvaliNgo maheSvaraH .
asTiDanvA mahAdevo mahAnawo vizAntakaH .. 74 ..
SmaSAnaveSmA puruzo asTimAlI GanavAhanaH .
awwahAsI mfqo BargaH ekapAdEkadfk tridfk .. 75 ..
vfzANko BAladfk vAmadevo mftyuMjayaH SivaH .
ahirbuDnyo virUpA[kzo] vahniretA umApatiH .. 76 ..
hiraRyaretAH SrIkaRWaH kaRWekAlaH kapAlaBft .
vyomakeSaH paSupatirBEravaSca pinAkaBft .. 77 ..
piNgekzaRaH piNgajawo gaNgAKawvANgaBft haraH .
SipivizwaH SamBuSarvO digvAsA ahiSUlaBft .. 78 ..
pramaTapatiH sarvajYaH KaRqaparSurapISvaraH .
azwamUrtiH suprasAdaH kapardI nandivarDanaH .. 79 ..
sTARuH paYcamuKo rudro nIlalohita ityapi .
kfttivAsA Bavo nAwyapriya ugro'parAjitaH .. 80 ..
induBfcCaNkugopAlO SElaDanvA'kzatasvanaH .
unmattavezaH SabaraH sitANgaH kapilAYjanaH .. 81 ..
;p{0009}
koRavAdI viSAlAkzaH suBago DarmavAhanaH .
navaSaktirmahAnAdo daSabAhurjawADaraH .. 82 ..
kawaMkawo jawAjUwANgaH kAlaSca mahAmbukaH .
jagatsrazwA BUtapatirdiSAM priyatamaH KaruH .. 83 ..
vahninetro mahAkAnto narADAro nfvezwanaH .
atalo DUmrayogI ca strIdehArdDo,'sya SatravaH .. 84 ..
anaNgAdyAH, jawAjUwaH kapardo,'Ta suKaMguRaH .
KawvANgo'strI, taTA cApamajagAvaM pinAkinaH .. 85 ..
ajagavaM pinAko'strI, brAhmI praBftayaH punaH .
mAtaraH sapta, pramaTAH pArzadASca gaRAstaTA .. 86 ..
ESvaryaM vaSitA praptiH prAkAmyamaRimeSitA .
yatra kAmAvasAyitvaM laGimA mahimA'zwaDA .. 87 ..
BavAnI tryambakA durgA rudrARI pArvatISvarA .
dakzajA''ryA siMhayAnA caRqI kAtyAyanI SivA .. 88 ..
SarvARI syAnmahAdevI kumArI sarvamaNgalA .
mfqAnI mAtfmAtA'mbikA'parRomA'drijA satI .. 89 ..
menAjA kfzRamEnAkasvasA gOrI mahAjayA .
niSumBamaTanI SumBamaTanI gaRanAyikA .. 90 ..
;p{0010}
kAntAravAsinI BUtanAyikA brahmacAriRI .
kAlI barhiDvajA'moGA gOtamI tAmasI jayA .. 91 ..
nandaputrI mahAkAlI BadrakAlI ca yoginI .
ekaparRI bahuBujA mahAmAyA ca bABravI .. 92 ..
dfzadantI kAlarAtriH kfzRA syAtkfzRapiNgalA .
BrAmarI jANgulI zazWI pragalBA yAdavI varA .. 93 ..
maGendraBaginI hAsA kOSikI revatI himA .
skandamAtA prakUzmARqI gaRqinI cogracAriRI .. 94 ..
mahArOdrI malayinI vijayA kuladevatA .
kAlaYjarI kAlaNgamA nandayantI niraYjanA .. 95 ..
kowiSrIrmandarAvAsA dardurI ca mahAniSA .
kirAtI kAladamanI SivadUtI karAlikA .. 96 ..
nIlavastrA vikarAlA virajA SfNgavAsinI .
kuleSvarI hEmavatI vilaNkA nandinItyapi .. 97 ..
prakIrRakeSI syAtkzemaMkarI narAyaRI taTA .
SElA SAkamBarI kzaRqA(?) kzemA SatamuKI praBA .. 98 ..
viSAlAkzI bahuputrA sAvitrI gokulodBavA .
azwAdaSaBujA kundrA rOdrA syAnnakulA kulA .. 99 ..
anantA, tasyA vijayA jayA saKyO, [tu] kesarI .
manastAlo,'Ta cAmuRqA mahAganDA kapAlinI .. 100 ..
carmamuRqA mArjArakarRikA BEravI'tyapi carcikA .
karRamowI, syAdgaReSa AKugaH [tanayaH] punaH .. 101 ..
;p{0011}
viGneSaH parSupARiSca dvEmAturo vinAyakaH .
lambodara ekadanto herambaSca gajAnanaH .. 102 ..
hastimallaH pfSniSfNgaH pfSnigarBastriDAtukaH .
vizARAnto dviSarIro,'Ta senAnIrdigambaraH .. 103 ..
viSAKaH sidDaseno'pi kumAraH zaRmuKo guhaH .
brahmacArI mahAsenaH kArtikeyo'gniBUrapi .. 104 ..
jAhnavInandano dvAdaSAkzaH skanda umAsutaH .
vEjayantastArakAriH SaraBUH SaktiBfttaTA .. 105 ..
bAlAcAryo mahAtejAH svAmI ca SiKivAhanaH .
karavArakakrOYcArI, ASramo'strI caturviDaH .. 106 ..
brahmacArI gfhI vAnaprasTo Bikzuriti kramAt .
varRI, tasminnaTa jyezWASramI syAtsnAtako gfhI .. 107 ..
gfhameDI gfhasTo,'Ta vEKAnasastftIyake .
BikzO sAMnyAsikaH pArASarI ca yatitApasO .. 108 ..
maskarI raktavasanaH karmandI pArirakzakaH .
pArikANkzI parivrAjakastapasvI munistaTA .. 109 ..
sa sTARqilo vratavaSAt Sete yaH sTaRqile punaH .
sTaRqilaSAyya,'To dAntastapaHkleSasaho'daraH .. 110 ..
;p{0012}
aTa bawUkaraRopanAyopanayA AnayaH punaH .
AgnIDrAgnInDane cAgnikAryaM syAdagnikArikA .. 111 ..
syAdAzAQo vrate daRqaH pAlASo, rAmBavERavO .
sArasvato bElvarOcyA vOparoDikapElavO .. 112 ..
ASvatTo jitanemiSScodumbarolUKalO samO .
astrI kamaRqaluH kaRqikA, BUyaH AsanaM vfzI .. 113 ..
striyAM jawA sawA, kalpo viDiH kramaH, punarjapaH .
svADyAyaH, OpavastraM copavAso'strI taTA punaH .. 114 ..
SrAnto jitendriyaH SAnto,'vadAnaM karmanirmalam .
zawkarmA brAhmaRo vipro dvijAtirdvija ityapi .. 115 ..
dvijanmA sUtrakaRWo'grajanmA ca muKasaMBavaH .
agnijAtiH SamIgarBaH sAvitro vAqavo'grajaH .. 116 ..
;p{0013}
etaso vedagarBo'pi varRajyezWastrayImuKaH .
samAnO mEtraBUdevO, bawumARavakO taTA .. 117 ..
aDvaraH saMstaraH saptatantuH stomaH kraturmaKaH .
satraM yAgaH savo yajYo'striyO vitAnabarhizO .. 118 ..
manyuScATo brahmayajYo'DyayanaM, homa AhutiH .
devayajYo vazawkaro hotraM cApya,Ta tarpaRam .. 119 ..
pitfyajYaH piRqadAnaM SrAdDamastrI, baliH punaH .
BUtayajYo, nfyajYaScAtiTipUjanamapyaTa .. 120 ..
mahAyajYA amI paYca, yajYO pakzAntayorBavO .
pOrRamAsastaTA darSo, dIkzArhasyezwiH sOmikI .. 121 ..
vratasaMgrahastu dIkzA, BikzA kavalamAtrakam .
AdezwA yAjako yazwA yajamAno maKe vratI .. 122 ..
dIkzitaH syAtsomayAjI, yAyajUkaH punarBavet .
ijyASIlo,'Ta yajvA syAdAsutIvala ityapi .. 123 ..
;p{0014}
somapITI somapo,'Ta gurorizwiviDAyakaH .
sTapatiH, sarvavedA yo yajYaM sarvasvadakziRam .. 124 ..
iyAjA,Dvaryuryajurvi,dDotA fgvicca, sAmavit .
udgAtA, CAndasaH SrotriyaSca syAdvedapAWakaH .. 125 ..
yajYArTaM saMskftA BUmirvedI, sTaRqilacatvare .
aparA, yUpo'strI, yajYakIlako yUpamastake .. 126 ..
kawake cazAlo'strI syAt, yUpakarRo GftakzitO .
tarmmA yUpAgraBAge'strI, kumbA yajYe vftirGanA .. 127 ..
aklIbo'raRirnirmanTakAzWegnervahnayastrayaH .
dakziRAhavanIyAgnI gArhapatyAgnirityapi .. 128 ..
;p{0015}
ete tretA trayopyatra, vahnirmantrAdinA tu yaH .
saMskftaH sa praRItaH syAdinDanaM kzipyate'nale .. 129 ..
yayA sA fk sAmiDenI DAyyA, BUyo'Ta tarpaRam .
eDmamastrI samideDaH puMsyeDaH syAnnapuMsake .. 130 ..
inDanaM ca, kzAro rakzA BasmaBasitaBUtayaH .
yajYe sruvAdikaM pAtraM sruk sruvastu kanIyasI .. 131 ..
upaBft sA juhUrvfdDA striyAM, yatra niDIyate .
GftaM ca sarvayajYArTaM sA DruvA tErnigadyate .. 132 ..
yAge'Bimantrya yaM hiMsyAtsa paSuH syAdupAkftaH .
paramparAkaM yAge syAtprokzaRaM SasanaM vaDaH .. 133 ..
aBicAraH sa vijYeyo hiMsArTaM karma yadBuvi .
yajYiyaM yajYayogyaM ca, sAnnAyyaM havirityapi .. 134 ..
;p{0016}
taptakvapayogaM syAddaDi kzIraSaraH punaH .
payasyAmikze, tanmastuni vAjinaM havyamucyate .. 135 ..
tadyatsureByo dAtavyaM, kavyaM pitfjanocitam .
odanaM daDisaMpfkte havizi syAtpfzAtakam .. 136 ..
pfzadAjyaM daDizAjyaM, daDisampfktaM ca yanmaDu .
mahodayo maDuparkaM, havyapAke pumAMScaruH .. 137 ..
homakuRqaM havitrI syAt, yajYaSeze'mftaM taTA .
BuktaSeze ca viGaso yajYAntAvaBfTO samO .. 138 ..
KAtAdikarma tatpUrttamastrI, [i]zwaM yajYajA kriyA .
tat dvayamizwApUrttaM ca, vizwaro'strI ca barhizAm .. 139 ..
vimuzwi raTA'hitAgniH syAdagnihotryagnicit punaH .
agnihotramagnyADAnamagnirakzaRamapyaTa .. 140 ..
;p{0017}
home DUmastaTA Basma nigaRo, vEzwutaM kramAt .
AcamanamupasparSaH seko GAraSca secanam .. 141 ..
pravargyaH syAnmahAjvAlamahAvIrAvuBO samO .
homAgnira,Ta darvI tu kaTitA GftaleKinI .. 142 ..
brahmAsanaM Bavettattu DyAnayogAsanaM hi yat .
vfttADyayanardDiH punaH kaTyate brahmavarcasam .. 143 ..
vedapAWe'YjalirbrahmAYjali,ste brahmabindavaH .
vipruzo ye muKAtpAWe nizkrAntA'Ta kArtsnyataH .. 144 ..
vacanaM pArAyaRaM ca, tIrTaM syAdaNgulImuKe .
dEvataM, brAhmaM mUle syAdaNguzWasya, kanizWayoH .. 145 ..
kAyaM, pitryaM tarjanyaNguzWAntaH, sOmyaM kare punaH .
brahmatvaM brahmasAyujyaM brahmaBUyaM taTEva ca .. 146 ..
;p{0018}
devatvAdikamapyevaM, grahaH saMskArapUrvakaH .
vedasyopAkaraRaM syAt, kfcCraM sAMtapanAdikam .. 147 ..
astrI prAyaH pumAn saMnyAsyanaSane samAdftaH .
vratamastrI niyamo'pi tapaH puRyakamityapi .. 148 ..
SIlamastrI caritraM ca AcAraScAritrameva ca .
vfttaM caritaM caraRaM, sarvapApapraRASini .. 149 ..
japye'GamarzaRaM, vAcyAvaBivAdanopasaMgrahO .
pAdagrahaRaM BUyo,'TopavItamastriyAM taTA .. 150 ..
yajYasUtraM prodDfte dakziRe haste, taTA'pare .
prAcInAvItaM, nivItaM kaRWalambitamasti yat .. 151 ..
mEtrAvaruRavalmIkO kaviprAcetasAvapi .
taTEva kusivAlmIkO vAlmIkiraTa mAWaraH .. 152 ..
vyAso dvEpAyanaH pArASaryaH syAdbAdarAyaRaH .
vedavyAsaSca kAnIno'sya prasUrganDakAlikA .. 153 ..
vAsavI yojanaganDA dASeyI satyavatyapi .
matsyodarI sAlaNkAyanajA ganDavatI punaH .. 154 ..
;p{0019}
reRukeyo jAmadagnyaH samAnO rAmaBArgavO .
nAradaH piSuno devabrahmA ca kalikArakaH .. 155 ..
yogeSo yAjYavalkyaH syAdyogISo brahmarAtrikaH .
arunDatIjAnirBUyo vasizWo'runDatI punaH .. 156 ..
akzamAlA, viSvAmitro gADeyaH kOSiko'pi ca .
triSaNkuyAjI, durvAsAH kuSAraRiSca, gOtamaH .. 157 ..
SatAnando,'Ta syAtsAlAturIyaH pARiniH punaH .
dAkzIyo,'Ta gonardIyaH pataYjaliH, punarvasuH .. 158 ..
meDAjit syAdvararucistaTA kAtyAyanopyaTa .
nandinItanayo vyAqirvinDyAvAsI, kareRuBUH .. 159 ..
pAlakApyo'Ta, kakzIvAn sPowAyano',Ta drAmilaH .
vizRugupto mallanAgo'NgulaScaRakAtmajaH .. 160 ..
kOwilyaH pakzilasvAmI vAtsyAyano'mI tApasAH .
jYAnaDyAnaDanAH sarve viSrutAH sakalAvanO .. 161 ..
;p{0020}
saMskArarahito vrAtya, avakIrRI KaRqitavrataH .
kfzRakarmA SiSvidAno, brAhmaRo yo'DamaH punaH .. 162 ..
brahmabanDu,rjAtimAtrajIvI vipro dvijabruvaH .
vIrahA yo'tra nazwAgniH, BojanArTaM prajalpati .. 163 ..
svakaM gotrAdi vArttASI, vedahIno nirAkftiH .
DarmaDvajo liNgajIvI, mata ucCizwaBojanaH .. 164 ..
sadEva nEvedyabaliBojano yo BaveddvijaH .
nADIte yo'saDyetA so'japo'pya,nyaSAKakaH .. 165 ..
SAKAraRqaH, kARqaspfzwaH SastrAjIvo, malaH punaH .
aSrAdDo devAdyarccAyAM, guruhA narakIlakaH .. 166 ..
malimlucaH paYcayajYaparikzIRaH, KaruH punaH .
nirastEkaruci,rvIrojJo yo'tra na juhoti saH .. 167 ..
;p{0021}
udeti tapano yasmin Sayite'staM prayAti vA .
krameRa tAvaByuditA,BinimruktO smftAvuBO .. 168 ..
SUdrAnItErDanErjuhvat vIraviplAvako mataH .
vIropajIvyagnihotramizAd yAcYAparo'tra yaH .. 169 ..
ArhataH syAdvAdavAdI, bOdDaH syAcCUnyavAdakaH .
yogastvAkzapAdo nEyyAyikaH, sAMKyaSca kApilaH .. 170 ..
OlUkyo vESeziko,'Ta cArvAko nAstikaH punaH .
bArhaspatyo lokAyatikaH ete tArkikASca zaw .. 171 ..
vedaH svADyAyaH AmnAyaH CandaH SrutiraTa trayI .
syurfgvedayajurvedasAmavedA,stadudDatiH .. 172 ..
aTarvA puMsi, praRavaH oMkAro,'Ta niruktayaH .
vyAkaraRaM CandaH SikzA kalpo jyotiramUni zaw .. 173 ..
;p{0022}
ucyante'NgAnyaTo, DarmaSAsraM syAdDarmasaMhitA .
smfti,ScAnvIkzikI tarkavidyA cA,Ta vicAraRA .. 174 ..
mImAMso,panizadvedAntA, aTo paYcalakzaRam .
purARa,mamI paYcasargo manvantarARi ca .. 175 ..
vaMSAnuvaMSacaritaM pratisargaSca vaMSakaH .
catasraH Srutayo DarmaSAstramaNgAni zaw punaH .. 176 ..
purARaM mImAMsA tarkavidyA vidyAScaturdaSa .
sUcanakftsUtramastrI, BAzyaM vistArakaM matam .. 177 ..
sUtrArTAnAM, prakaraRaM prastAvaH, padaBaYjanam .
nirukta,maTa SAstrARAM viSrAma AhnikaM matam .. 178 ..
ekADikArakaTito'DikaraRaM praSasyate .
udito'yamanukto'yaM durukto yo'rTasaMcayaH .. 179 ..
tasya jYAnaM karotyetadvArttikaM vividurbuDAH .
antarABAvato vyAKyA'rTAnAM wIkA,['Ta paYjikA] .. 180 ..
;p{0023}
vizamArTaBaYjikA syA,dgranTaBedAvimO pfTak .
vfttinibanDAvanvarTO, taTAnvarTapaTAH samAH .. 181 ..
anena sargapadDatipariSizwamuKA api .
granTAvayavaviSezA jYAtavyA budDivEBavAt .. 182 ..
laGuvfttO kArikA sA praBUtArTaprakASinI .
samAhftiH saMgrahaSca, sarvavidyA kalandikA .. 183 ..
niGaRwuH syAtpumAnastrI kEScittu nAmasaNgrahaH .
itihAsaH prAkcaritaM, vArttA pravfttirityapi .. 184 ..
tulyAvudantavfttAntA,vEtihyaM sA purAtanI .
janaSrutiH kiMvadantI, prahelikA [syAt] pravahlikA .. 185 ..
saMjYA'BiKyA'BiDA AKyA AhvA nAmAstrI gotramAhvayaH .
nAmaDeya,maTo saMboDanamAmantraRaM taTA .. 186 ..
aTa AkAraRamAhvAnaM syAdaBimantraRaM havaH .
hUtirhakkArakA''kArO, saMhUtirbahuBiH kftAH .. 187 ..
;p{0024}
upodGAta upanyAsodAhArO vANmuKaM taTA .
vivAdo vyavahAro,'Ta SapanaM SapaTaH pumAn .. 188 ..
Sapo,'Ta prativacaH syAduttaraM cAnuyojanam .
kaTaMkaTikatA praSnaH pfcCA, punarupaSrutiH .. 189 ..
devapraSnaH, priyaprAyaM cawucAwU kalA'striyO .
sUnftaM vacanaM tadDi yatpriyaM satyamapyaTa .. 190 ..
satyaM taTyamftaM samyak samIcInaM yaTAyaTam .
yaTAsTitaM syAtsadBUtametAni syurnapuMsake .. 191 ..
anfte'lIkaM vitaTaM, yadvirudDaM parasparam .
tatklizwaM saMkulaM, sAntvamatyarTamaDuraM vacaH .. 192 ..
aSlIlaM grAmyaM, mlizwaM yadaprakawamanakzaram .
avAcyaM, grastaM saMpUrRoccAritaM yadvaco na tu .. 193 ..
nirastaM SIGratA uktaM, TUtkArasahitaM punaH .
ambUkfta,masaMbadDavacanaM syAnnirarTakam .. 194 ..
;p{0025}
dvistriruktaM BavedAmreqitaM, yaddozaBAzaRam .
parokze parakIyaM tatpfzWamAMsAdanaM Bavet .. 195 ..
aByAKyAnamasaddozAropaRaM, hfdayaMgamam .
saMgataM, nizWuraM rUkzaM vikruzwaM paruzaM punaH .. 196 ..
uccErGuzwaM GozaRA ca, praSaMsA varRanA stavaH .
IqA stotramarTavAdaH stutiH SlAGA punarnutiH .. 197 ..
vikatTanamasatyA sA, vigAnaM vacanIyatA .
kOlInaM janapravAdo, nindA kutsA jugupsanam .. 198 ..
apavAda upakroSaH parivAdaSca garhaRA .
avarRo DikkriyA kzepo nirvAdo, gAli[Sca] soditA .. 199 ..
virudDaBAzaRaM yatsyA,cCApAkzepO samO punaH .
AkroSaH syAdaBIzaNga, ASIrmaNgalaBAzaRam .. 200 ..
SlokaH samAjYA'BiKyA ca yaSaH kIrtiH, SuBA ca vAk .
kalyA,'SuBA ruSatI ca, carcawI carcarI uBe .. 201 ..
;p{0026}
harzakrIqAvAcake staH, pariBAzaRamucyate .
ya upAlamBo nindAyuk, saMBAzaH syAtsakfdvacaH .. 202 ..
ApfcCA''lApAva,sakfdanulApaH prakIrtitaH .
vilApaH SokavacanaM, pralApo'narTakaM matam .. 203 ..
parasparoktiH saMlApaH saMkaTA, yA ca kAkuvAk .
ullApo, vipralApastu virudDavacanaM hi yat .. 204 ..
suvacanaM supralApo,'palApo nihnavaH punaH .
vAcikaM sandeSavacaH, syAdAjYASizwe [ca] SAsane .. 205 ..
avavAdaSca nirdeSo niyogo deSa AnitaH .
pratiSAsanamAhUya prezaRaM, cATa saMgaraH .. 206 ..
AgUH striyAM pratijYA'ByupagamaH saMvit saMSravaH .
aByupAyaSca sanDA'sTe aNgIkAra atiSravaH .. 207 ..
ASravo,'Ta SrutadevI gIrgOrvARI sarasvatI .
brAhmI vAgBAratI BAzAH, vacanaM BAzitaM vacaH .. 208 ..
;p{0027}
vyAhAro BaRitaM jalpitaM lapitaM taToditam .
gaditABiDAne, sAvyayakArakaviSezaRam .. 209 ..
kriyA vAkyaM, svAdyantaM syAtpadaM, vizwapamastriyAm .
jagatI viSvaM BuvanamastrI loko jagattaTA .. 210 ..
jIvAjIvayoH sTAnaM syAllokaH, tato'paraH .
puruzaScetana AtmA kzetrajYaH, sa BavI punaH .. 211 ..
sattvamastrI dehaBft syAdasumAn janturastriyAm .
janyurjIvo,'Ta jananaM janirutpattirudBavaH .. 212 ..
janmajanuzI, jIvastriliNgo jIvitamityapi .
prARAsU puMsi bahUktA,vastrI jIvAturAdftaH .. 213 ..
jIvanOzaDaM, SvasitaM SvAsaH, samuKamaDyagaH .
Ahara Ana ucCAso, niSvAsaH syAdbahirmuKaH .. 214 ..
etanaH pAna, Ayustu klIbe puMsi ca saMmataH .
jIvitakAlo,'Ta mano mAnasaM svAntamuccalam .. 215 ..
;p{0028}
antaHkaraRaM hfdayaM cittaM hfccetasI api .
gUQapaTaM, manaso hi karma saMkalpa ucyate .. 216 ..
Sarmma sAtaM suKaM sOKyaM nirvfti,rvedanA vyaTA .
artiH pIqA bADA kfcCramABIlamasuKaM punaH .. 217 ..
pragAQamAmanasyaM ca duHKaM kazwaM prasUtijam .
puMsyADirmAnasaM duHKaM, kzut duHKamudarAgnijam .. 218 ..
sapatrAkftiratyarTavedanAvAcakaH punaH .
nizpatrAkftirapyevaM, vyApAdo drohacintanam .. 219 ..
praTamajYAnamupajYA, carcA puMsi striyAmapi .
syAtsaNKyA vicAraRA,'Ta saMskAro BAvanA'pi ca .. 220 ..
vAsanA'nuBUtAdyarTasaMhatInAmavismftiH .
anto'danto nirRayaSca niScayaH, saMpraDAraRA .. 221 ..
samarTana,maTAjYAnamavidyA'haMmatiH punaH .
miTyAmatirBramo BrAntiH, saMdeho dvAparostriyAm .. 222 ..
;p{0029}
ArekaH saMSayo vicikitsA, aTAdInavASravO .
dozo,'TAtmA rUpatatvaM svaBAvaprakftI punaH .. 223 ..
Darmo'strI sahajaH sargaH svarUpaM ca svalakzaRam .
rItiH satattvaM saMsidDiH nisargaH SIlamastriyAm .. 224 ..
guRotkarzaH paraBAgo, daSA'vasTA sTitistaTA .
astriyO snehapremARO hArdaM priti,raTo pumAn .. 225 ..
samADiH praRiDAnaM cAvaDAnaM DAnamityapi .
samArTA,vaTAnupaScAdByAM tApaScA'nuSayastaTA .. 226 ..
vipratIsAro, dAkziRyaM dvitIyamanukUlatA .
puRyaM Sreyo vfzo DarmaH sukftaM, niyatirviDiH .. 227 ..
dizwaM BAgyaM taTA BAgaDeyaM dEvaM tvado'stiyAm .
SuBaM dEva,mayo'danto, nirftiH kAlakarRikA .. 228 ..
alakzmI,raTAMhaH pApaM duzkftaM kalmazaM tamaH .
duritaM kilbizaM kalkamastriyAM vfjinaM punaH .. 229 ..
;p{0030}
aGaM paNko'striyAM kiRvamenaH kaluzamityapi .
pAtako'strI pumAn pApmA syAdaSuBaM napuMsake .. 230 ..
DarmArTakAmAstrivargaH, caturBadraM balAnvitAH .
mokzayuktAScaturvargaH, upADirDarmacintanam .. 231 ..
Cando'danto mataM BAvo'striyAmAkUtamASayaH .
aBiprAyo,'Ta pramAdastaTEvAnavaDAnatA .. 232 ..
srotaH klIbe'kzakaraRe KaM hfzIkaM taTendriyam .
vizayI nantaH, sparSanAdikaM budDIndriyaM smftam .. 233 ..
kriyendriyaM syAtpARyAdikaM, paYca sparSAdayo'pyaTa .
gocarA vizayA indriyArTAH, SiSiraSItalO .. 234 ..
SItastuzAraH suSImo himo jaqa ime same .
guRe puMsi vAcyaliNgAstadvati syustaTA'pare .. 235 ..
tIvrastIkzaRaH uzRatigmO caRqaH pawuKarAvapi .
IzaduzRaH kaduzRaSca mandozRaH kozRaH paYcamaH .. 236 ..
kavozRo,'Ta dfQaH krUraH karkazaH kaWinaH KaraH .
kaWoro jaraWo nizWuraH paruzaSca kakKawaH .. 237 ..
;p{0031}
akarkaSaH sukumAro mfdulaH komalaH mfduH .
sumAlo, maDuro gulyo rasajyezWo maDUlakaH .. 238 ..
svAduH, pAcano'mlo dantaSaWaH, sarvarasaH saraH .
lavaRo,'Ta kawurBUya uzaRo muKaSoDanaH .. 239 ..
tikto vaktraBedI nantaH, kazAyastuvaro rasAH .
ganDo, janamanohlAdI Bavetsa GrARatarpaRaH .. 240 ..
nirhArI ca samAkarzI suraBiH, sa vidUragaH .
Amodo, yo vimardotTaH sa parimala AdftaH .. 241 ..
aTezwaganDa AmodI suganDirmuKavAsanaH .
durganDaH pUtiganDaSca, visraM syAdAmaganDi yat .. 242 ..
varRAH SvetamuKAH sarve,'Ta Suklo Davalo'rjunaH .
avadAtaH SucirgOrI valakzo hariRaH sitaH .. 243 ..
pARquro viSadaH pARquH SvetaH SuBraSca pARqaraH .
SyetaH, sa DUsaro jYeya IzatpARqurBavedyakaH .. 244 ..
;p{0032}
kapotABaH kapotaSca, gOraH syAtpItaraYjanaH .
hAridraH pItalaH pItaH, pAlASo harito harit .. 245 ..
pItanIlastAlakABo mAYjizWo raktarohitO .
lohitaH SoRo, yaH SvetaraktaH syAtsa tu pAwalaH .. 246 ..
bAlasanDyAruciryaH syAdaruRaH sa nigadyate .
pItarakto hariH SyAvaH piSaNgaH piNgapiYjarO .. 247 ..
piNgalaH kapilo baBruH kaqArakapiSO taTA .
kadruH, nIlo'sitaH SyAmaH SyAmalo mecakaH SitiH .. 248 ..
kfzRaH kAlaH punA rAmo, raktaSyAmastu DUmalaH .
DUmro,'Ta karburaScitra eto'dantaSca citralaH .. 249 ..
samO kirmIrakalmAzO Sabalo,'Ta svaro DvaniH .
DvAnaH svAno ravo nAdo ninado nisvanaH svanaH .. 250 ..
raRaH kvaRaH svanirGozaH kvARo nikvARanikvaRO .
ninAdaSabdanirGozA hrAdo nihrAda AravaH .. 251 ..
saMrAvaSca virAvaSca niHsvAnaH kvaRanaM punaH .
ArAvo,'Ta saptatantrIkaRWajAtAH svarA amI .. 252 ..
;p{0033}
DEvato nizaDaH zaqjo gAnDAra fzaBaH punaH .
maDyamaH paYcamaste syururaHkaRWaSiroBavAH .. 253 ..
mandrA maDyAstaTA tArAH, sapraRAdastu sItkftam .
jAto guRAnurAgAByAM Sabdo nFRAM sa eva ca .. 254 ..
kranditaM ruditaM kruzwaM, gahvaraH sa udIritaH .
tadevajAtapUtkAraM, pardanaM gudajo ravaH .. 255 ..
kardanaM kukzisaMBUtaH, siMhanAdastaTA Bavet .
kzveqA,'Ta krandanaM yoDAhvAnaM, kolAhalo'striyAm .. 256 ..
kalakalo,'Ta tumalaH Sabdo yo vyAkulo Bavet .
hastinAM bfMhitaM garjo, hezA hrezA tu vAjinAm .. 257 ..
mfgAdInAM tiraScAM ca rutaM vAsitama,pyaTa .
pakziRAM kUjitaM, rezA rezaRaM syAd vfzasya tu .. 258 ..
;p{0034}
bukkaRaM BazaRaM sArameyasya, jaladasya tu .
rasitaM svanitaM garjiH pumAn Dvanitagarjite .. 259 ..
stanitaM cATa visPAro DanuzAM, goruBe mate .
hamBAramBe, BAjanaM syAt kIcakAnAM ca, wawwuram .. 260 ..
BerInAdo, murajasya gundalaH, prakvaRaH punaH .
prakvARastrantrIkvaRane, maRitaM ratakUjitam .. 261 ..
vyADyAdiBiH pIqitAnAM kaRitaM, maDuraH kalaH .
gamBIro mandraH; uccEratyarTaM tAro nigadyate .. 262 ..
kalaH sUkzmaH kAkalI strI, tvekatAlo layAnugaH .
kAkuraklIbo vikAro DvaneH SokaBayAdiBiH .. 263 ..
pratiSrut strI pratiSabde .................. .
svAsTyaM DftiSca saMtozaH, pUrvAnuBavacintanam .. 264 ..
;p{0035}
smaraRaM smftirADyAnaM syAdbudDirDizaRA matiH .
prajYApratiBApratipatprekzAsaMvitticetanAH .. 265 ..
upalabDiH SemuzI cinmanIzAjYaptidfzwayaH .
DIryA tu DAraRaSaktA meDA sA procyate buDEH .. 266 ..
tattvadfzwirBavetpaRqA, jYAnaM mokzaPalA matiH .
vijYAnamanyaSAstrAdA,vaTAzwO DIguRA yaTA .. 267 ..
SuSrUzA SravaRaM cEva grahaRaM DAraRaM taTA .
Uho'pAho'rTavijYAnaM tattvajYAnaM, trapA punaH .. 268 ..
hrIrlajjA vrIqA mandAkzaM parataH sAtva'patrapA .
jAqyaM mOrKyaM, punaH sAdo'vasAdastu vizaRRatA .. 269 ..
vizAdo, mada AnandamohayoH saMgamo Bavet .
ADAro gahvaro vyADiH, nidrA SayanasaMlayO .. 270 ..
pramIlA svApaH saMveSo nandImuKI ca tApasI .
SvAsahetiH punastandrA, sA'DikA suKasuptikA .. 271 ..
suptaM suzvApaH, OtsukyaM hflleKotkalike punaH .
raRaraRaka utkaRWA ratirAyallakastaTA .. 272 ..
;p{0036}
aklIbo'vahitTAkAragUhane gfhajAlikA .
avakawikA'vakuwArikA, SaNkA tu sA matA .. 273 ..
saMBAvanamanizwasya, cApalaM cAnavasTitiH .
kOsIdyaM nandrA AlasyaM cA,nando harzamudO taTA .. 274 ..
cittaprasannatA prItiH pramodAmodasaMmadAH .
AnandaTuH pumAn hlAdaH pramodo'TAvaliptatA .. 275 ..
syuraBimAnAhaMkAragarvAH puMsi pare'striyAm .
mAno'strI mamatA darpaH smayaScittonnatistaTA .. 276 ..
sA'hamahamikA yA tu sparDanaM kriyate miTaH .
ahopuruzikA garvAt yA svAtmani vicAraRA .. 277 ..
ahaMpUrvamahaMpUrvamityahaMpUrvikA taTA .
ugratvaM caRqatA, glAniH striyAM ca balahInatA .. 278 ..
praboDaH syAdvinidratvaM, dEnyaM kArpaRyamapyaTa .
vyAyAmaH prayAsaH kleSaH SramaH klamaH pariSramaH .. 279 ..
AyAso, vAtaBUtAdi dozAccittAnavasTitiH .
cittaviplava unmAda,strAsa AkasmikaM Bayam .. 280 ..
;p{0037}
guRo yaH kroDasaMBUto jigIzotsAhavAMSca yaH .
amarzaH sa vijAnIyA,nmOQyamohO samO taTA .. 281 ..
DAtuvEzamye'pasmAraH, cintADyAnamaTA'tmanaH .
avagaRanaM nirveda,starka Uho vimarSanam .. 282 ..
unnayanaM vitarko'strI parAmarSo'DyAhArakaH .
saMvegaH saMBramAvegO tvarittUrRiH striyO tvarA .. 283 ..
guRezu dozAvizkAro'sUyA,'TAstaM nimIlanam .
paralokagamo nASo dIrGanidrA'tyayO samO .. 284 ..
avasAnaM kAlaDarmaH kAlaH saMsTA taTA mftiH .
aklIbo mftyurdizwAntaH paYcatvaM niDanaM punaH .. 285 ..
astrI tatsarvagaM mArirmarako'strI, same tvamI .
saMcAriRastrayastriMSada,Ta rAgo ratiH punaH .. 286 ..
anurAgo'nuratiH syAt, hAsikA GarGaro hasaH .
hAsyaM hAso hasanaM, cAdfzwadante smitaM taTA .. 287 ..
;p{0038}
vakrozWikA'pumAM,stamin kiYcitprekzitadantake .
hasitaM, kiYcicCrute vihasitaM ca sPuradozWake .. 288 ..
hasanamAcCuritakaM hAse sotprAsa ucyate .
Suk striyAM SocanaM svedaH Soko,'Ta krut striyAM ruzA .. 289 ..
kruDA manyuH pumAn kopo ruw striyAM pratiGaH samO .
rozakroDA,vaTa prOQirudyamaH kiyadetikA .. 290 ..
aBiyogo'DyavasAya UrjjotsAhO pragalBatA .
udyogaH, sAtvatiSayayuktA vIryamaTo Bayam .. 291 ..
daro'strI BIH striyAM BItirASaMkA sADvasaM BiyA .
AtaNko, yadBUDavAnAM rAjaputrAdito Bayam .. 292 ..
ahiBaya,maTo dfzwaM svakIyaparacakrajam .
jalAnalAdito'dfzwa,maTa BImaM BayAnakam .. 293 ..
BEravaM dAruRaM BIzmaM pratiBayaM BayAvaham .
GoraM BayaNkaraM BIzaRamABIlaM ca BAsuram .. 294 ..
qamara(?), GfRA jugupsA,'Ta citraM mohavismayO .
AScaryaM kullakaM vikzaM codyamadButamapyaTa .. 295 ..
;p{0039}
tfzRAkzayaH SamaH SAntirupaSamaSca paYcamam .
SamaTaH, kAraRaM sTAyino rasAnAM kramAdamI .. 296 ..
jAqyaM stamBo,'Ta nidAGo GarmaH svedo,'Ta kaRwakaH .
pulako dvAvastriyO sto romAYco romaharzaRam .. 297 ..
romodgamo romavikAra ullUkasanaM punaH .
udGuzaRaM, kallatvaM cet svare svaraBedo hi yaH .. 298 ..
vEvarRyaM kAlikA varRaviparyAso,'Ta vepaTuH .
kampanaM, pralayo'cezwA, bAzpo'sramasru rodanam .. 299 ..
aSrunetrAmbu, BAvAH syuH saMcArisTAyisAttvikAH .
syustrayaH saMcArIsTAyiBAvA, aTa rasAH punaH .. 300 ..
astrI SfNgAraH karuRo hasyo vIro BayAnakaH .
rOdraH SAnto'dButo BUyo bIBatso'TADikaraRaH .. 301 ..
pAtrARi nAwake, rAmAdInAM rUpaparigrahaH .
BUmikA,'Ta nawo'strI syAt Barato BarataputrakaH .. 302 ..
;p{0040}
DarmIputraH sarvakeSI kfSASvI nanta izyate .
SElUzaH SElAlI jAyA''jIvo raNgAvatarakaH .. 303 ..
raNgAjIvaH, cAraRastu kuSIlavo dvitIyakam .
strIvezaBfnnawaH kuMso BrU-Bru-Bra-Bf-paro yadA .. 304 ..
nAwyaviDeH sUtraDAraH sUcako'pyatra darSakaH .
veSyAcAryaH pIWamardaH, nandI sa nAndyAH pAWakaH .. 305 ..
pAripArSvikaH pArSvasTo, vEhAsiko vidUzakaH .
prahAsI syAtkelikilo BUyo vAsantikastaTA .. 306 ..
prItido'Ta pallavako viw ziNgaH, pitA AbukaH .
nAwye svasfpatO ca AvuttaH syAdBAvuka ityapi .. 307 ..
suDIrBAvo, yuvarAjo yaH kumAraH sa tUditaH .
BartfdArakaH, yA bAlA[vA]sUH strI, mArza ityasO .. 308 ..
AryaH, svAmI BavedBawwArako devo,'pi rAzwriyaH .
BUpaSyAlo, yA ca putrI BUpaterBartfdArikA .. 309 ..
;p{0041}
kftapawwABizekA yA devI, anyA tu BawwinI .
veSyA'jjukA, saKIhUtO halA, dAsIhave punaH .. 310 ..
haYje haRqe nIcahUtO, yadvA syAdattikA svasA .
AryaputraH pati rambA mAtA,'brahmaRyamucyate .. 311 ..
vaDAnarhasya viprasya TUtkaraRe,'Ta ye kzitO .
nirgranTAH sOgatAdyAste BadantAH kaTitAH same .. 312 ..
gItaM nfttaM taTA vAdyametatsamuditatrayam .
tOryatrikaM nAwya,masmin saMgItamucyate .. 313 ..
prekzaRArTaM samArabDe, nAwyaDarmI striyAM taTA .
SAstrodite,'Ta ganDarvagItirgItaM ca muKyataH .. 314 ..
gAnaM geya,maTo nfttaM nftyaM nawananartane .
lAsyaM nAwyaM tARqavo'strI, vaSAnAM maRqalena yat .. 315 ..
;p{0042}
nfttaM hallIsakaM, tUccatAlaM vIrajayantikA .
pAnagozWyAM raRe cedaM kramAnnAwyasya yadBavet .. 316 ..
sTAnaM raNgaH, pUrvaraNgaH prAramBo,'BinayaH punaH .
vyaYjakaH sa tu hastAdiBiH padArTasya sUcakaH .. 317 ..
so'laMkArAdinA''hAryo, racito vacasA punaH .
vAcika, ANgiko'Ngena, jAtaH sattvena sAttvikaH .. 318 ..
aNgahArANgavikzepO samO, zaw saMskftAdimAH .
BAzAH syurBAratImuKyAScatasraH santi vfttayaH .. 319 ..
......... Ato[dya] tUryamastrI smaraDvajaH vAdyam .
tataM vI[RA praBftikaM] GanaM tAlAdikaM taTA .. 320 ..
;p{0043}
SuziraM vaMSapramuKa,mAnadDaM murajAdikam .
vipaYcI vallakI vIRA caturTI kaRWakURikA .. 321 ..
GozavatI, saptaBiH sA tantrIBiH parivAdinI .
tantrIBedAdaneke syurBedA evaM yaTAkramam .. 322 ..
BAratyAH kacCapI vIRA, cAnAlambI harasya tu .
mahatI nAradasyA[Ta] bfhatI viSvAvasoH punaH .. 323 ..
praBAvatI gaRAnAM hi, tumbaroH syAtkalAvatI .
cARqAlikA tu kawolavIRA caRqAladehinAm .. 324 ..
kolambako'NgaM syAdasyA, upanAhastu banDanam .
pravAlo'strI taTA daRqaH, kalikA kURikA tu sA .. 325 ..
vaMSaSalAkAyA mUle, prasevakakuBO samO .
kAlamAnaM yatkriyAyAstAlaH caccapuwAdikaH .. 326 ..
;p{0044}
tayoH sAmyaM layaH proktaH, oGo drutalayo mataH .
sattvaM vilambitaM, maDyalayaM nAma GanaM smftam .. 327 ..
murajo mfdaNga,striDA''liNgI so'NkI taTorDvakaH .
QakkA yaSaH pawaho'pi, BerI pawaha AnakaH .. 328 ..
pulliNgo dunduBiH, SAriH vIRAdInAM pravAdanam .
koRo,'Ta gardDo'BilAzaH syAtkANkzA tfq manoraTaH .. 329 ..
tfzRA lipsA loBo vAYCA kAmo'strI kAmanA ruciH .
ASaMsA spfhA''SecCehA DanAyepsA vaSopi ca .. 330 ..
aBiDyA sA tu yA dravye parakIye spfhA Bavet .
dyUtakrIqA mAMsAdanaM madyapAnaM paRANganA .. 331 ..
paYcamaM KewakaM karma cOrI paravaSAruciH .
saptEtAni vyasanAni, SOryaSORqIryavikramAH .. 332 ..
prarAkramaH pOruzaM ca nyAyaH kalpaH samaYjasam .
deSarUpaM nayo'Brezo,'Ta yuktaM sAmprataM punaH .. 333 ..
;p{0045}
nyAyyaM laByaM BajamAnaM prAptamOpAyikaM taTA .
ucitamaBinItaM ca vAcyaliNgA amI same .. 334 ..
aDikAraH prakriyA sA vyavasTA sTApanaM hi yat .
maryAdAsTitisaMsTASca DAraRA, Ago napuMsake .. 335 ..
mantuH pumAn vyalIkaM syAdastriyAM vipriyaM punaH .
aparADo,'Ta vijanaM niHSalAkaM ca kevalam .. 336 ..
CannaM viviktamekAntaM rahaH klIbe'striyAM punaH .
upahvaraM [upAMSu ca] tadavyayaM vibuDErmatam .. 337 ..
rahasyaM guhyaM tajjYeyaM gopanIyaM hi yadBavet .
taro'santaH klIbe sTAmA nantaH klIbe parAkramaH .. 338 ..
prARaH SaktiH sahaH santastaTOjo'pi napuMsake .
balamastrI SUzma nAnta Urjo'klIbastaTA trayaH .. 339 ..
SuzmaM SOryaM dyumnamaTa, balAtkAro haWaH punaH .
prasaBo'striyAM, sKalitaM CalaM, dAnavisarjane .. 340 ..
viSrARanamutsarjanaM tyAgaH syAtpratipAdanam .
apavarjanaM sparSanaM pradeSanavihAyite .. 341 ..
vitaraRaM nirvapanaM striyAmaMhAtirityapi .
arTanA praRayo'DyezaRA saniH strIpumAnapi .. 342 ..
;p{0046}
arddanA yAcanA yAcYezaRA'BiSastimArgaRe .
BikzaRA,'Ta kzamA Avata(?)stitikzA, sahanaM ruciH .. 343 ..
striyAM jiGatsA'SanAyA buBukzA rocako'striyAm .
apalasikA pipAsA tfzRodanyA tfzA ca tfw .. 344 ..
tarzaH pAnaM DIti,raTo sOhityaM syAdAGrARakam .
tfpti,raTa pariBAvo viprakAraH parABavaH .. 345 ..
atyakAraH pariBavo'BiBavaSca tiraskriyA .
nyakkAranikArO, kapawo'strI vyAjo mizaM Calam .. 346 ..
kUwamastrI vyapadeSaH CadmopaDi syAtkEtavam .
lakzamastrI niBaM damBo,'Ta kuhanA ca kukkuwiH .. 347 ..
damBacaryA ca, vyalIkamatisaMDAnavaYcane .
pratAraRa,maTo pUjyanAmno BawwArakAdayaH .. 348 ..
trayaH prayojyAstena syAdarhadBawwArakastaTA .
pUjyapAdo naradeva evamanyepyanekaSaH .. 349 ..
tatraBavAn BagavAnatra BavAn pUjya itya,Ta .
kusftirnikftirmAyA SaWatA SAWyamapya,Ta .. 350 ..
ahiMsA nirmalA kzAntiranukampA GfRA dayA .
SUko'strI syAdanukroSaH kAruRyaM karuRA kfpA .. 351 ..
sidDaSabdArRavEH sANgaH SrIsahajAdikIrtiBiH .
pUjyaH praTamakARqo'yaM smftimArgamanIyata .. 352 ..
;k{dvitIyaH kARqaH}
;p{0047}
;c{E namaH ..}
;v{surADikAraH}
nAko'strI tridivaM taTEva tavizo dyOH strI divaM tAvizaH
svargo gOranapuMsako Buviriti strI corDvaloko'vayam .	
svardevAlayasErikO didivikaH syAddIdivirvAsavA-
vAsaH klIba iti trivizwapamapi dyurmerupfzWaM taTA .. 1 ..
Palodayo,'Ta nirjarA suparvadevanAkinaH .
amartyaleKatastadaH suDABojo nilimpakAH .. 2 ..
gIrvARA amftAnDasaH sumanasaH svAhABujo devatA
asvapnA vibuDAH suDAkratuBujo barhirmuKAH pujilAH .
AdityA danujadvizaScAnimizAH kAmAdirUpAScirA-
yurmatryArcikasADyaSoBamaruto vfndArakA dEvatA .. 3 ..
astryeza(?) evaM tridaSA amA fBavaH surAH .
aTArkAH dvAdaSa, tuzitAH zawtriMSat, vasavaH punaH .. 4 ..
azwO, trayodaSa viSve devA, ABAsurAstaTA .
zazwirdvAdaSa sADyASca suSarmmARo daSa smftAH .. 5 ..
rudrA ekAdaSa proktAH vOkuRWAH syuScaturdaSa .
ekonapaYcASacca syurvAyavo mahArAjikAH .. 6 ..
zawtriMSadete sarve'pi vijYeyA gaRadevatAH .
vimAnamastrI tezAM syAdvAhanaM, BojanaM taTA .. 7 ..
;p{0048}
suDA pIyUzamamfta,masurAH dAnavAH punaH .
indrArayaH SukraSizyAH pUrvadevAH suradvizaH .. 8 ..
danujA dEtyadEteyA ditisutA, amI daSa .
asurapramuKASca dikkumArAntA jinAgame .. 9 ..
pAtAlavAsinaH sarve amarendrAdyAH nAmataH .
vyantarASca piSAcAdyAzwO pAtAlavAsinaH .. 10 ..
candrAdyAH paYcasaMKyAkA jyotizkASca, KacAriRaH .
sODarmAScAcyutAntA dvAdaSa syurvimAnagAH .. 11 ..
kalpAtItA nava paYca BedA evaM surAH same .
nikAyaBedato jAtAScatvAro,'Ta viSezataH .. 12 ..
purandaro'cyutAgrajaH sahasranetravAsavO .
SacIpatiH SatakratuH sararzaBaSca kOSikaH .. 13 ..
fBukzimeGavAhanO hariSca pAkaSAsanaH .
varakraturvfzA jayaH sureSapUrvadikpatiH .. 14 ..
parjanyo bAhudanteyaH puruhUto'psaraHpatiH .
tapastakzaH svargapatirharimAn vajradakziRaH .. 15 ..
;p{0049}
vAstozpatiH sunAsIraH sutrAmaSakradalmayaH .
viqOjA maGavA vajrI maGavAn devadunduBiH .. 16 ..
vftrahA gotraBft prakrandana AKaRqalaH punaH .
harihayo jamBaBedI jizRurnamucisUdanaH .. 17 ..
baladviw prAcInabarhisturAzAw viyuno'pi ca .
vfdDaSravAH pftanAzAw marutvAnmihiraH punaH .. 18 ..
ugraDanvA duScyavanaH yAmanemiramasahA .
kiRAlAtaH, priyA cAsya SacI cAruravA taTA .. 19 ..
SatAvarI pOlomI ca SakrARI jayavAhinI .
indrARI syAtparipUrRasahasracandravatyapi .. 20 ..
putro jayo jayadatto jayantaH pAkaSAsaniH .
jayantI tanayA tAvizI tavizI, hayaH punaH .. 21 ..
uccEHSravA vfzaRASvo, mAtalistu hayaMkazaH .
sAraTi,rnandanaM nAma vanaM sarvasurapriyam .. 22 ..
prAsAdo vEjayanto'pi Dvajo, dOvAriko mahAn .
devanandI BavennAntaH, saro nandIsaro varam .. 23 ..
hastI cErAvaRo hastimalla ErAvato'striyAm .
aBramAtaNgaScABramuvallaBaSca madAMvaraH .. 24 ..
;p{0050}
Svetagajo BadraveRuH sadAdAno'rkasodaraH .
caturdanto, DanurdevAyuDaM tatsaralaM taTA .. 25 ..
rohitaM, yadi dIrGaM tu saralaM tannigadyate .
ErAvatamastriyAM ca, vajramastrI paviH pumAn .. 26 ..
aSaniraklIbaH SambaH SatakowiH pumAn svaruH .
tAmeva(?) hrAdinI damBoliH pumAn BiduraM punaH .. 27 ..
kuliSo'strI vyADAmo,'sya jvAlA'tiBI sriyAm .
DvaniH sPUrjaTuH pumAn, amaravatI sudarSanaM ca pUH .. 28 ..
saBA suDarmA strI naMta,staravo haricandanaH .
astrI mandArasantAnO pArijAtaSca paYcamaH .. 29 ..
kalpo'SvinO yamO dasrO nAsikyO vaqavAsutO .
abDijAvaSvinIputrO svarvEdyAvarkkajO punaH .. 30 ..
nAsatyO nAsatyadasrO taTA'gravaravAhanO .
gadAntakO yajYavAhO puMsi dvivacanO sadA .. 31 ..
;p{0051}
viSvakfdviSvakarmA ca tvazwA syAddevavardDakiH .
hAhAH puMsi [ca] tanmuKyA hAhAhUhUH pare punaH .. 32 ..
gAnDArvAstaTA ganDarvAH tftIyaM devagAyanAH .
svarvaDvaH svargavaDvaScApsarastrI bahuzvayam .. 33 ..
svarveSyA UrvaSImuKyA, aTa pretapatiryamaH .
yamunABrAtA kInASo dakziRASApatirhariH .. 34 ..
kftAntaH kAlaSIrRANGrI DarmarAjo'rkanandanaH .
samavartI SrAdDadevo mftyuH syAcCamano'ntakaH .. 35 ..
daRqaDaraH pitfpatiryamarAw mahizaDvajaH .
mahAsatyaH kAlakUwo yamunAgraja ityapi .. 36 ..
purARAnto'sya DUmorRA preyasI, [leKastaTA .
citraguptaH] pratihAro vEDyataH sevakAvuBO .. 37 ..
caRqastaTA mahAcaRqaH, purI saMyamanI BayA .
rakzo'saMtaSca kInASaH palAdo nikazAtmajaH .. 38 ..
yAtvastrI kORapaH puRyajano'sfkpaSca nErftaH .
nfcakzAH karburo rAtriMcaro rAtricaraH punaH .. 39 ..
palapriyo yAtuDAna ASaro rAkzasaH pumAn .
kravyAd karvarO viDuraH ASiro jalalohitaH .. 40 ..
;p{0052}
sanDyAcalaH kaKAputraH udDaro naravizvaRaH .
triSaro haraSaH SaNkUraH rAtribalaH pravAhikaH .. 41 ..
raktagrIvastabDasaMBAraH punaH samitIpadaH .
pracetA varuRo yAdaHpatirjalapatistaTA .. 42 ..
pASapARirmeGanAdo'rRavamandirasaMvftO .
paraMjano jalakAntAraH pratIcISadunduBI .. 43 ..
uddAmo,'Ta kElAsOkA Danado naravAhanaH .
Elavilo vESravaRastriSarAH kiMnareSvaraH .. 44 ..
DaneSvaro niDISvaraH piSAcakI sitodaraH .
nfDarmaguhyakeSvarO kuberasatyasaMgarO .. 45 ..
ekapiNgo ratnakaraH SrIdo yakzeSvaraH etaH(?) .
icCAvasurISasaKo niDanAkzaH punaH kuhaH .. 46 ..
pOlastyaSca suprasannaH uttarASApatistaTA .
ratnagarBo mahAsattvo DanakeliH pramoditaH .. 47 ..
asya cEtraraTaM nAma vanaM, pUralakA praBA .
vasupraBA vasusArA syAdvasvokasArA, sutaH .. 48 ..
nalakUbaro vimAnaM puzpakaM, rAjaguhyakO .
vawavAsI puRyajano yakzaH, kiMpuruzo mayuH .. 49 ..
kinnarasturaNgamuKo, diSAmISA aTa kramAt .
indro hutASano mftyurnErfto varuRo marut .. 50 ..
;p{0053}
Danada ISAno'[Ta], diggajA azwa te amI .
ErAvataH puRqarIko vAmanaH kumudo'YjanaH .. 51 ..
puzpadantaH sArvvaBOmaH supratIkaH, kareRavaH .
aBramuH kapilA'nupamA kramAdaTa .. 52 ..
tAmrakarRI SuBradantI cANganA aYjanAvatI .
aTa candro niSAratno niSAkarastiTipraRIH .. 53 ..
daSavAjI daSASvo'pi sitavAjI sitASvakaH .
somo'mftadyutiH SvetadyutirglO rohiRIpatiH .. 54 ..
jEvAtfko'mftasUScAtridfgjo dakzajApatiH .
niSApatirdvijapatI rAjA kumudabAnDavaH .. 55 ..
kalABft SaSaBfcCAyABfdeRaBfdDimadyutiH .
kOmudIpatirmAjarRo viDuH kumudinIpatiH .. 56 ..
candramAH ozaDipatirBapatiH kfttikABavaH .
rAjarAjastapArAjaH SuBAMSuSayatO buDaH .. 57 ..
yajYarAw yajataH sfpra KaSiKa SvetavAhanaH .
sinDUtTa ozaDIgarBaH SravizwAramaRo'pi ca .. 58 ..
syanda AkASacamasaH pItuScandira ekaBUH .
nemiH syAdyuvanaH klendurindurasya kalA punaH .. 59 ..
BAgaH syAtzoqaSo, lakzma lAYCanaM cihnalakzaRe .
aBijYAnaM kalaNko'Nko,'Ta jyotsnA candragolikA .. 60 ..
;p{0054}
candrikA kOmudI candrAtapo,'Ta bimbamastriyAm .
maRqalaM trizva,TAdityo yamunAjanakaH SuciH .. 61 ..
vivasvAn mihiro mitro dyupatirgopatiH punaH .
sUro mArtaRqamArttaRqO dvAdaSAtmA virocanaH .. 62 ..
divAkaraH praBAkaro viBAkaraSca BAskaraH .
ahaskaro vikarttano ahAbjinIpatiH KagaH .. 63 ..
viBAvastustrayItanurgaBasticakrabAnDavO .
naBomaRistvaharmaRirhariH pataNgatApanO .. 64 ..
DvAntArAtI raviH sUryaH kftAntajanako BagaH .
pradyotanaScitraBAnustaraRi[ScA]napuMsakam .. 65 ..
ino helirharidaSvaH kiraRo'ruRasAraTiH .
karmasAkzI jagatsAkzI BAsvAn grahapuzo'ryamA .. 66 ..
jagaccakzurabjahasto'rkko divasakarastaTA .
dinakaro aMSuhastaSca tapano gaganADvagaH .. 67 ..
sahasrAMSuH KarAMSuSca haMsastvazwA'ruRaH papIH .
braDno'harbAnDavassaptasaptiH syAdabjabAnDavaH .. 68 ..
uzRAMSussavitA pUzA BAnemirgaganaDvajaH .
aMSurBAnudivApuzwO lokabanDuH sadAgatiH .. 69 ..
sahasrANkaH Katilako dfSAnaH karRasUH kapiH .
vedodayo bahurUpaH pratyUzARqo'mbutaskaraH .. 70 ..
galo prakASanaH pAturjagaddIpaH surAvftaH .
sAMvatsararaTaH pATaH puzkaro BAnukeSaraH .. 71 ..
brahmA vAjI kAlaDaro rAtrinASana ityapi .
BAnugaBastivasavastrayaH puMsi praBA striyAm .. 72 ..
rucidyutI striyAmuBe viBA'napuMsakA ca BA .
marIcivfSnayastrayaH SuciH pumAn karastaTA .. 73 ..
;p{0055}
rociH klIbeM'SuraBISustaTopaDftipragrahO .
GfRiraSmiketavo'pi virokakiraRO tvizi .. 74 ..
mayUKa rukpAdosrA ete puMsi caturdaSa .
gOraklIbastaTA klIbe SociH jyotiSca dIDitiH .. 75 ..
striyAmarcirapumAMSca DAma klIbe taTA mahaH .
BASCavistviqdyutirdyuSca striyAM paYca smftA amI .. 76 ..
AtapAlokO tejo varca udyotapaYcamam .
prakASaH syAnmfgatfzRA marIcikA,'Ta maRqalam .. 77 ..
triliNgo'yamupasUryakaM klIbo'[Ta] pariDiH punaH .
parivezaH, sUryasUtaH kASyapiH garuqAgrajaH .. 78 ..
aruRo vinatAsUnuranUrurmahAsAraTiH .
vipulaskanDo, revanto hayavAhana ityapi .. 79 ..
plavago'rkaretojaSca, mAWarAdyA aharpateH .
azwAdaSa sadA paripArSvikA aTa maNgalaH .. 80 ..
lohitANgaH kujo vakra AzAQABUraNgArakaH .
navArccirAra ekANgo vyomolmukastva,To buDaH .. 81 ..
SravizWABUH SyAmANgo jYaH paYcArccI rohiRIsutaH .
sOmyaH praharzalo, jIvaH surAcAryo bfhaspatiH .. 82 ..
utaTyAnujo DizaRo guruScitraSiKaRqijaH .
vAcaspatiH syAdbfhatIpativAgminO .. 83 ..
;p{0056}
ANgiraso dvAdaSArccirdIdiviH PalgunIBavaH .
praKyAmahAmatirgOro vAkpracakzASca gIraTaH .. 84 ..
SukraH kAvyaH zoqaSArccirDizRyo dEtyaguruH kaviH .
BArgavo BfguruSanA maGABavo'pya,TA'sitaH .. 85 ..
SaniH SanEScaraH sOriH kUrAtmA revatIBavaH .
mahAgrahaH SatakarmA madaH saptArccirityapi .. 86 ..
CAyAsuto nIlavAsAH kroqaH paNgu,raTo tamaH .
svarBAnustu BaraRIBUH sEhikeyo viDuMtudaH .. 87 ..
upaplava uparAgo rAhuH, ketuH SiKI punaH .
aSlezABUrUrDvakacaH Ahiko,'Ta DruvaH punaH .. 88 ..
uttAnapAdajo jyotIraTo grahASrayastaTA .
agastirmEtrAvaruRiragneya AgnimArutaH .. 89 ..
vAtApidviqOrvaSeyaH pItAbDiH kalaSIsutaH .
dakziRASAratiH vinDyakUwo'gastyo GawodBavaH .. 90 ..
vAruRistapanaH kvATiH satyAgniH muni,rasya ca .
BAryA kOzItakI lopAmudrA varapradA taTA .. 91 ..
marIciratriH pulasyo'NgirAH pulahaH kratuH .
vasizWaSca mahAtejA saptamaH parikIrtitaH .. 92 ..
saptarzayastaTA ci[tra]SiKaRqino'BiDA dvayam .
puzpadantO puzpavantAvaBinnoktyenduBAskarO .. 93 ..
;p{0057}
ya indusUryayo rAhugrAsaH sa graha ucyate .
upaplava uparAgo,'TArizwaM syAdupadravaH .. 94 ..
ajanyamastriyAmArtiH upaliNgaM ca paYcamam .
samAvutpAtopasargO vahnyutpAta upAhitaH .. 95 ..
triliNgAstArakAstArA'klIbo BajyotizI grahaH .
uqurapumAn nakzatraM DizRyamfkza,maTASvinI .. 96 ..
aSvayugaSvakinI ca bAlinI dasradevatA .
yamadevatA dvitIyaM BaraRI, kfttikA punaH .. 97 ..
bahulAH bahUktAvagnidevAstftIyakam .
brAhmI syAdrohiRI, mArgo mfgaSIrzaM mfgastaTA .. 98 ..
cAndramasaM mfgaSiro'striyAM, syuH paYcatArakAH .
ilvalAH strI mfgaSIrzamastakasTASca kAlinI .. 99 ..
ArdrA rOdrI ca, aTAdityO yAmakO tu punarvasU .
syuH puzyatizyasiDyASca [ca]sturTaM gurudEvatam .. 100 ..
;p{0058}
aSlezA [a]klIbaH sArppI ca bahUktO strI maGAH punaH .
pitryAH syuH, PAlgunI yonidevatA,'ryamadevatA .. 101 ..
uttarAPAlgunI, hastaH so'klIbaH sUryadEvataH .
citrA tvAzwrI, taTA svAtiraklIbo'niladevataH .. 102 ..
rADA viSAKA cEndrAgnidevA, mEtrI dvitIyakam .
anurADA, jyezWA cEndrI, mUlo'strI rAkzasaH pumAn .. 103 ..
jaladevaH pUrvAzAQo, uttarAzAQAH taTA punaH .
vESvI syAt, SravaRo'klIbo haridevo,'Ta vAsavI .. 104 ..
DanizWASravizWe Calye, SataBizak tu vAruRI .
ajadevI pUrvaBAdrapadA uttarapUrvikA .. 105 ..
;p{0059}
BAdrapadA'hirbuDnadevA, prozWapadA iti .
dvayornakzatrayorekaM nAma pOzRyaM napuMsake .. 106 ..
revatI, candrakAminyo dAkzAyaRyaH punaH samAH .
mezAdyA rASayastezAmudayo lagnamastriyAm .. 107 ..
;c{iti surADikAraH .}
;v{nArakADikAraH}
yAtyApretAH nArakASca paretA ativAhikAH .
vizwirAjUH striyAmetO, kAraRA yAtanApi ca .. 108 ..
tIvravedanA,'TAklIbo durgatirnarakaH punaH .
nArako nirayo,'Ta svAdbaliveSma napuMsakam .. 109 ..
rasAtalaM nAgaloko'DolokaH vaqavAmuKam .
pAtAla,maTo vivaraM rokaM nimnaM bilaM vapA .. 110 ..
antaraM SuziraM ranDraM CidraM nirvyaTanaM SuziH .
strIpumAnapare ropaM kuharaM, kuhare BuvaH .. 111 ..
gartto'klIbo'vawaH SvaBramagADoSca darastrizu .
ratnapraBAdimAH santi BuvaH sapta jinAgame .. 112 ..
;c{iti nArakADikAraH .}
;v{SastrADikAraH}
puruzo mAnavo BUspfk mAnuzo manujo naraH .
manuzyaH puruzo viw nA marttyaH paYcajanaH pumAn .. 113 ..
;p{0060}
dvijakzatriyavESyaSUdrAScatasro narajAtayaH .
cAturvarRyaM, dvijAH proktAH pUjyakARqe viSezataH .. 114 ..
aTa dvitIyako varRo varRyate SAstradfzwitaH .
rAjanyaH kzatriyo bAhusaMBavaH kzatramastriyAm .. 115 ..
BUpAlo lokapAlo rAw prajApAlaH kzamApatiH .
pArTivaH pfTivISakro mUrDABiziktaBUBftO .. 116 ..
mahIkzinmaDyalokeSo rAjA,'Ta maRqalADipaH .
maDyamaH, sa BavetsamrAw yo BUpAn SAsti sarvataH .. 117 ..
yo'DipaH sarvadeSasya yo'yAkzIdrAjasUyakam .
aDISvaraScakravartI sArvaBOmo,'tra BArate .. 118 ..
jinAgame'BavadvAdaSa te BaratamuKyakAH .
mAnDAtA DunDumAraSca hariScandraH purUravAH .. 119 ..
BarataH kArtavIryaSca zaqete cakravartinaH .
lokaprasidDanAmAni tezAmevaM yaTAkramam .. 120 ..
yuvanASvajo mAnDAtAm DunDumAro dvitIyakam .
kuvalASvo,'Ta triSaNkujo hariScandra ityapi .. 121 ..
;p{0061}
urvaSIramaRo bODaH Elo BUyaH purUravAH .
sarvadamo BarataSca SakuntalAtmajastaTA .. 122 ..
dOzyanti,rarjunaH kArttavIryo BujasahasraBft .
hEheyo,'Ta tripfzwAdyA acalapramuKA nava .. 123 ..
vAsudevabaladevASvagrIvAdayaH punaH .
prativAsudevAste'pi nava proktA jinAgame .. 124 ..
jinAnAmfzaBAdInAM vIrAntAnAM mahAtmanAm .
caturviMSatyA trizazwiH SalAkApuruzAH same .. 125 ..
rAmo daSaraTiH kOsalyAtmaja,stasya kAminI .
jAnakI mETilI sItA DaraRItanayA taTA .. 126 ..
vEdehI, rAmatanayO kuSalavO kuSIlavO .
aBinnoktyA,'Ta sOmitrIlakzmaRO, vAlivAlinO .. 127 ..
indrasuto,'Ta sugrIva AdityanusUpyaTa .
mArutirAYjaneyaSca hanumAnarjunaDvajaH .. 128 ..
vajrakaNkawakeSarisutO, syAddaSakanDaraH .
rAkzaso laNkeSaSca pOlastyo rAvaRastaTA .. 129 ..
;p{0062}
mandodarIsuto meGanAdo rAvaRirindrajit .
yuDizWiro DarmaputraH kaNkaH SalyArirityapi .. 130 ..
ajamIQo'jAtaSatruH, BImo bakanisUdanaH .
vfkodaro marutputraH syAdDiqimbanisUdanaH .. 131 ..
kirmIrAriH kIcakAriH, suBadreSo DanaMjayaH .
rADAveDI savyasAcI kirIwI nantimAstrayaH .. 132 ..
Endrirbfhannawo jizRuH syuH pArTArjunaPAlgunAH .
kapiDvajo guqAkeSo yogI Svetahayo naraH .. 133 ..
kfzRapakzaScitrayoDI vijayaH karRajitpunaH .
bIBatsurDanvI citrANgasUdano,'sya raTaH smftaH .. 134 ..
nandiGozo, DanurgARqIvaM gARqIvo'striyO matO .
sahadevo granTikaH syAt, nakulastantipAlakaH .. 135 ..
mAdreyAvimA,vitare BImArjunayuDizWirAH .
kOnteyASca, dvaye'TEte pARqavAH pARqavAyanAH .. 136 ..
pARqaveyA, aTa kfzRA drOpadI nityayOvanA .
yAjYasenI ca sEranDrI pAYcAlI yajYavedijA .. 137 ..
;p{0063}
campADipaSca rADeyaH sUtArkatanayo'NgarAw .
karRa,stasya DanuH kAlapfzWaM BUpA ime same .. 138 ..
pfTurAdirAjo vEnyaH prasidDaH SivaSAsane .
SreRikAdyAstu kumArapAlAntA jinaSAsane .. 139 ..
rAjavaMSyo rAjabIjI, vaMSyo bIjyaSca kaTyate .
vaMSajAte,'Ta sapta syuH prakftayo yaTAkramam .. 140 ..
rAjA mantrI mitraM koSaH deSaH kowo balaM taTA .
kaTyate, prakftayo'pi same'pi puravAsinaH .. 141 ..
yA svadeSasya cintA syAdrakzaRe tantramucyate .
AvApaH SatrudeSasya saMDyAdiguRazawkataH .. 142 ..
tantraM taTopakaraRaM paribarhaH paricCadaH .
parisyandaH parikaraH parivAraH parigrahaH .. 143 ..
BUpAsanaM BavedBadrAsanaM, svarRamayaM punaH .
siMhAsanaM, rAjaSayyA mahASayyA uBe same .. 144 ..
;p{0064}
AtapavAraRaM CatraM, trizu camaracAmare .
prakIrRakaM rogagucCo vAlavyajanamapya,Ta .. 145 ..
sTagIrvataSca(?) tAmbUlakarakaH, kanakAlukA .
BfNgAro,'Ta pUrRakumBo BadrakumBaM, padAsanam .. 146 ..
pAdapIWamaTo mantrI sacivaH sAmavAyikaH .
amAtyo DIsaKo,'Ta syAdAyukto vyApftaH punaH .. 147 ..
karmasacivo niyogI, prAqvivAkaH sa ucyate .
yo drazwA vyavahArARAmakzadarSaka ityapi .. 148 ..
praDAnAni mahAmAtrAH, sOvastikapurohitO .
puroDAH, daRqI dvArasTaH dvAsTo vetraDaro'pi ca .. 149 ..
dOvArikaH pratIhAro kzattAa dvAHsTitidarSakaH .
dvArapAlaka utsArakaH, syAdaDikftaH punaH .. 150 ..
aDyakzo,'TAnIkasTaH syAdaNgarakzakasaMtatO .
sUdA[Dya]kzaH pOrogavaH sUpaH sUdaSca ballavaH .. 151 ..
;p{0065}
OdanikaH sUpakaro guRa ArAlikastaTA .
BaktakAro,'Ta BOrikaH yaH kanakADyakzo Bavet .. 152 ..
nEzkiko rUpyADyaSca, sTAnADyakzastu sTanikaH .
SOlkikaH SulkADyakzaH syAt, deyaM GawwAdi sPuwam .. 153 ..
sa Sulko'strI, DarmADyakzo DarmADikaraRI punaH .
DArmiko, hawwADyakzo'Dikarmiko, daRqanAyakaH .. 154 ..
senAnIScaturaNgabalADyakzaH, sTAguruH sa ca .
grAme'Dikfto, bahuzu grAmezu gopa ucyate .. 155 ..
yo'ntaHpurADikArI syAdantarvaMSika ucyate .
avaroDiko.'To kowwapatiH syAddaRqapASikaH .. 156 ..
purADyakzaH pOriko'pi, sa BavetpArikarmikaH .
kzudroparakaraRAnAM yo'DikArI, cAvaroDanam .. 157 ..
;p{0066}
SudDAnto'striyAmantaHpuramavaroDa ityaTa .
sOvidAH sOvidallAste ye cAntaHpurarakzakAH .. 158 ..
sTApatyAH kaYcukino'pi kubjavAmanamuKyakAH .
zaRQo varzavaraScAyamapyantaHpurapAlakaH .. 159 ..
jiGAMsuH SAtravaH pratyavasTAtA'sahano ripuH .
aBiyAtiH pratyanIko dasyurdvezI dvizannariH .. 160 ..
ArAtirahito'mitraH pumAn pratyarTivEriRO .
aBimAtirvipakzo dviw sapatnaH paripanTikaH .. 161 ..
paripanTakaH durhfcCatruH pratipakzaH parastaTA .
vidvezo viroDo vEraM, mitraM syAtsavayAH saKA .. 162 ..
suhft sahacaraH snigDo vayasyo,'jaryasOhfde .
sTAnmEtrI sOhArda sAptapadInaM saMgataM punaH .. 163 ..
saKya,mAnandanaM cA'pfcCanaM saBAjanaM taTA .
vizayAdantaro rAw Satru,rmitramataH param .. 164 ..
;p{0067}
udAsInaH parataraH, pArzRigrAhastu pfzWataH .
anuroDo'nuvfttiSca, caraScArastu herikaH .. 165 ..
yaTArhavarRaH praRiDirmantravid gUQapUruzaH .
avasparSo spaSo vArtAyanaH, pratyayitastrizu .. 166 ..
Apto, gfhapatiH satrI, dUtaH saMdeSahArakaH .
guRAH saMDyAdayaH zaw ca tezAmarTaH kramAdayam .. 167 ..
saMDirekatvakaraRaM, svasTAnAtparamaRqale .
karaRaM dAhalopAdervigrahaH sa nigadyate .. 168 ..
syAdyAnaM pratiyAtrA, taTA''sanaM vigrahacyutiH .
ekatra sanDiranyatra yAnaM dvEDaM nigadyate .. 169 ..
balinaH SaktyASrayaRamASrayaH zaqguRA amI .
rAjyopakArakAstrisraH praButvotsAhamantrajAH .. 170 ..
;p{0068}
Saktayo,'Ta sAmadAnaBedadaRqA amI Kalu .
upAyAH, sAntvanaM sAmoktiryatpriyaBAzaRam .. 171 ..
BedastaTopajApaH sa yutayorBedanaM hi yat .
daRqo'striyA[maTa] klIbe aparaM [tu sAhasaM] damaH .. 172 ..
sa pratApaH praBAvo'pi tejo yatkoSadaRqajam .
sopaDA yA parIkzA ca DarmArTakAmEH syAdBiyA .. 173 ..
ekAnte mantraRaM mantro,'zaqakzIRaM taducyate .
mantrakrIqAdi na jYAtaM tftIyapramuKeRa yat .. 174 ..
aTa syAtprABftaM kOSalikaM tvAmizamastriyAm .
laYcAklIba upacAra utkoco QOkanaM taTA .. 175 ..
upapradAnamupadopahvAropAyane same .
upagrAhyo'TendrajAlaM mAyA'pekzA amI trayaH .. 176 ..
upAyA alpA, aklIbe BAgaDeyaH karo baliH .
dviguRo daRqo dvipAdyo, balaM senA [pa]tAkinI .. 177 ..
;p{0069}
kawakAnIkacakrARi sadaRqAnyastriyAM camUH .
astriyAM skanDAvAro BUyaH sEnyaM tantramanIkinI .. 178 ..
varUTinI DvajinI ca vAhinI pftanA,'syAH sTitiH .
SibiraM, racanA vyUho[sa cA]nekaviDo yuDi .. 179 ..
daRqavyUhacakravyUhaSakawavyUhanAmaBiH .
garuqavyUhanAmA',Ta pratyAsAro dvitIyakam .. 180 ..
vyUhapArzRirapi, sEnyapfzWe proktaH pratigrahaH .
ekadvipA cEkaraTA tryaSvA paYca padAtayaH .. 181 ..
pattiH, syAttriguRA cEvaM krameRa vihitA satI .
senA senAmuKaM gulmo'striyAM syAdvAhinI tataH .. 182 ..
pftanA camUranIkinI cAkzOhiRI daSa guRA .
tataH anIkinI BavedakzOhiRI senA yadAhave .. 183 ..
syAtsenA'kzOhiRI nAma KAgAzwEkadvikErgajEH .
raTEScEByo hayEstriGnEH paYcaGnESca padAtiBiH .. 184 ..
uparakzaRaM dvitIyaM sajjanaM syAt, Dvajo'striyAm .
ketuH [puna]rvEjayantI patAkA ketanaM taTA .. 185 ..
;p{0070}
asyorDvaM sTita uccUlo,'vacUlo'DomuKaH sTitaH .
kUrcaH, syAdaTa senANgaM gajavAjiraTEstaTA .. 186 ..
pattiBiSca caturBedaM, yudDahetO ca cakriRi .
yAne SatANgaM syandano raTo'klIbo BavedasO .. 187 ..
puzparaTo ramaRArTaM niyukto,'Ta marudraTaH .
devArTo,'Ta SastrAByAsaraTo vEnayikaH punaH .. 188 ..
yaH syAdraTo mArgaraTaH kaTyate pAriyAnikaH .
karRIraTaH pravahaRaM qayanaM raTagarBakaH .. 189 ..
SakawastriliNgo'strI tu pare'naH syAnnapuMsake .
gantrI kambali vAhyaM syAdastrI, vAstrAdayo raTAH .. 190 ..
tEstErAcCAditAH, pARqukambalI sa nigadyate .
pARqukambalErAcCAdito, dvEpastu yo vftaH .. 191 ..
dvEpena carmaRA, vEyAGraSca vEyAGracarmaRA .
cakramastrI raTANgaM raTapAdo'rizaRqake .. 192 ..
;p{0071}
DArA praDirasya nemiH striyA,mARiraRiH punaH .
aklIbAvakzAgrakIlaH, nABiH strI piRqikA taTA .. 193 ..
yugaMDarakUbarO dvAvastriyO, SamyAH yugakIlaka eva yaH .
............................................... .. 194 ..
yugAntaraM syAtprAsaNgo,'DasTadAru ca yadraTe .
anukarzaH sa vijYeyo DUDUrvI dvO striyO punaH .. 195 ..
yAnamuKaM, varUTo'strI raTagupti,rapaskarAH .
raTANgAni, yApyayAnaM SibikA, dolA [ca] sA matA .. 196 ..
preNKApraBftiryA'styatra, SibikApramuKaM hi yat .
paraMparAvAhanaM ca tadvEnItakamastriyAm .. 197 ..
vahyaM vAhyaM yAnaM yugyaM vAhanaM pratramastriyAm .
DoraRaM cA,Ta niyantA prAjitA sUtasAraTI .. 198 ..
kzattA pravettA savyezWA yantA raTakuwumbikaH .
dakziRasTo, raTe yodDA raTarohI raTI punaH .. 199 ..
;p{0072}
raTI raTikaraTirO, sAdI turagInantakaH .
aSvAroho'SvavAraSca, yantfsAdinizAdinaH .. 200 ..
hastyAroho mahAmAtro, hastipakeBapAlakO .
gajAjIvADoraRO catvAro'mI tu kiNkarAH .. 201 ..
maRWo deSyAM, BawA yoDA yodDAropyaTa, sEnikAH .
senArakzA, militA ye senAnAM sEnikAH punaH .. 202 ..
sEnyAH, sahasriRaH sAhasrAste yodDAra AdftAH .
sahasreRa samaM ye tu, CatraDAraH sa cAdftaH .. 203 ..
CAyAkaro,'Ta patAkI dvitIyaM vEjayantikaH .
pariDisTaH paricaraH, pratimuktastaTA ANparaH .. 204 ..
ukto'pinadDaH pinadDo,'Ta sajjo vyUQakaNkawaH .
sannadDo daMSito varmito,'Ta varmma napuMsake .. 205 ..
mAWI vamaSca sannAho daMSaH kavacamastriyAm .
uraSCadastanutraM ca jagaraH kaNkawastaTA .. 206 ..
;p{0073}
astriyAM kaYcuko vAravARaScApi nicolakaH .
kUrpAso,'Ta sArasanamaDikA[NgaM] taTA'striyAm .. 207 ..
sakaYcukA DarantIha hfdaye yattaducyate .
SiraskaM SIrzakaM SIrzaRyaM SirasrARamityapi .. 208 ..
udaratrARanAgodO, bAhulaM bAhurakzaRam .
matkuRaM jaNGAtrARaM syA,dAyasI tvaNgarakzaRI .. 209 ..
jAlikA tu jAlaprAyA, AyuDIyaH SastrajIvo'pi .
AyuDikaH kARqapfzWaH, kOntikaH prAsikaH punaH .. 210 ..
paraSvaDAyuDaH pAraSvaDiko dvitIyaM taTA .
pAraSvaDo,'Ta SAktIko, yAzwIkaH SaktiyazwiBft .. 211 ..
kramAnnEstriMSako'pyevaM, DAnuzko DanuBfttaTA .
tURI nantaSca kARqIraH kARqavAn, yaH SarARi hi .. 212 ..
;p{0074}
suprayuNkte kftahastaH kftapuNKaH sa ucyate .
laGuhastaH SIGraveDI, so'parAdDezurucyate .. 213 ..
lakzato BrazwabARo yo, dUraveDI ca nantakO .
dUrApAtI, praharaRaM hetirAyuDamastriyAm .. 214 ..
SastramapumAnastraM, caturBedaM hi tadBavet .
pARiyantrapraBedena dviDA muktaM [ni]gadyate .. 215 ..
SaktyAdikaM pARimuktaM yantramuktaM SarAdikam .
amuktaM SastripramuKaM muktAmuktaM Bavediha .. 216 ..
yazwipraBftikaM sarvaM, DanurastrI ca kArmukam .
AsaH kodaRqamizvAsaScApaste'pyastriyAM matAH .. 217 ..
DanuH klIbe druRamastra,masya maDyaM ca lastakaH .
kowirarttirawinI ca, jIvA jyA saYjinI druRA .. 218 ..
gavyA'pumAn guRo mOrvI SiYjA bARAsanaM, talam .
apumAn goDA jyAGAtavAraRaM, maRqalaM taTA .. 219 ..
AlIQaM pratyAlIQaM ca vESAKaM samapAdakam .
paYcasTAnAni bARasya mocanAvasare taTA .. 220 ..
;p{0075}
klIbe paYcApi ke'pyAhurastriyAmiti tadvidaH .
SaravyakaM lakzaM lakzyaM veDyaM nimittamityapi .. 221 ..
SilImuKaSca mArgaRaH Saro'striyAmajihmagaH .
kalambasAyakO samO KagaSca kARqamastriyAm .. 222 ..
bARo'striyAM citrapuNKaH pattrI ropa izustrizu .
pfzatkaviSiKO gArDrapakzaH pradara ASugaH .. 223 ..
pattravAhaH kaNkapattro lakzahA marmaBedanaH .
vAro'strakaRwako vIraSaNkuH kAdamba ityapi .. 224 ..
nArAca ezaRaH sarvalohaH prakzveqanaH punaH .
syAdastrasAyako lohanAlo, [mukto nirastakaH] .. 225 ..
[SaraH syAd], vizasaMyukto digDo liptaH punaH sa ca .
vyavacCedo bARamokzo, dIptiH Sarajavasya yat .. 226 ..
tIvratvaM, kzurapratIrI tadbalArDendumuKyakAH .
tasya BedAH, vAjaH pakzaH, Sarasyopari pattraRA .. 227 ..
pakzaracanA yA, puNKo'striyAM syAtkartarI punaH .
SaraDiH pumAn tURIraH tURastrizu SarASrayaH .. 228 ..
;p{0076}
kalApo nizaNga upAsaNgo,'TAsiH pumAMstaTA .
taravArirapi dvO ca fzwirIzwI azaRqakO .. 229 ..
kOkzeyako maRqalAgro vyavahAraH prajAkaraH .
candrahAsaH karavAlastIkzRakarmA [du]rAsadaH .. 230 ..
kfpARaH KaqganistriMSO manujyezWaH SivaMkaraH .
DarmapAlaH karapAlo DArADaro vizAgrajaH .. 231 ..
SAstA kzaraH syAcCrIgarBo vijayaSca karAlikaH .
candraBAsastIkzRaDAro devaH prasaNgasAyakO .. 232 ..
DArANgo rudratanayo viSasanaSca DarmataH .
pracAro,'Ta tsaruH KaqgamuzwO sa tu pumAna,Ta .. 233 ..
koSastrizu parIvArapratyAkArO samO punaH .
KaqgapiDAnaM, PalamastrI Parakamityapi .. 234 ..
Kewo'strI carmAvaraRaM sPuraH syAdaqqanaM taTA .
saMgrAho muzwirasyAti, kzurI SastrI kfpARikA .. 235 ..
asiputrIcCurI koSaSAyikA patraDenukA .
asiDenuH, sA tu dIrGA patrapAlI nigadyate .. 236 ..
;p{0077}
hulamAtfkA kuwwantI syAt patraPalatApya,Ta .
daRqo'strI laguqo yazwiraklIbaH, karavAlikA .. 237 ..
IlI, sfgo BindipAlaH, kuntaH prAso,'Ta mudgaraH .
aklIbo Gano druGaRaH, kuWAro'klIbakaH punaH .. 238 ..
svaDitiH parSvaDaH parSuH paraSuSca paraSvaDaH .
pariGAtanaH pariGaH, tomaro'strI ca sarvalA .. 239 ..
astriyAM SalyaM BUyopi pumAn SaNku,striSIrzakam .
SUlamastrI, taTA cakraSaktidusPowapawwiSAH .. 240 ..
SataGnI mahASilA ca BuzuRQI cirakAdayaH .
SastrajAtayo'nekAH syurjYeyAstA anyataH samAH .. 241 ..
;c{iti SastrADikAraH .}
;v{kzatriyADikAraH}
yogyA'ByAsaH Sramo BUyaH KuralI SarAByAsakaH .
upAsanaM, taDAByAsaDaraRI syAt KalUrikA .. 242 ..
sarvOGaH sarvABisAraH sarvasannahanaM taTA .
pUrve nIrAjanAdrAjYAM SAstrokto yo viDirBavet .. 243 ..
;p{0078}
lohABisAro'straBftAM rAjYAM nIrAjanaM viDiH .
..................................... .. 244 ..
praRAyakaM yAtrA vrajyA prasTAnaM gamanaM punaH .
aBiniryARaM, syAcCatroH senayA'BigamaSca yaH .. 245 ..
aBizeRanamAsAraH suhftsEnyaM tu pfzWataH .
gacCat, pracakraM calitaM sEnyaM, prasArastadBavet .. 246 ..
tfRakAzWAdinimittaM gamanaM sEnyato bahiH .
nirRItasya SatrUn [prati] raRe gatiraBikramaH .. 247 ..
yo'laMgAmI pratiSatrUnaByamitryaH sa ucyate .
aByamitrIyo'ByamitrIRo,'purasvAn punaH sa ca .. 248 ..
urasila, UrjasvalaH UrjasvIyo, raRe Bavet .
sADuH sAMyugIno, jetA jitvaro jizRurityapi .. 249 ..
yo jetuM Sakyate jayyo, anyo jeyaH sOKasuptikAH .
vEtAlikAH boDakarA arTikA apare punaH .. 250 ..
paRqitA svakftA bAhuH(?) rAjYo'vasarapAWakAH .
cAkrikAH GARwikAH, bandI nanto maNgalapAWakaH .. 251 ..
;p{0079}
sUto,'Ta magaDo mAgaDo, syuryudDAnivarttinaH .
saMSaptakA, aTa nagno jaradvastraDaro'tra yaH .. 252 ..
bandI stutivratastasya, granTo BogAvalI taTA .
saMsPowaH kalaho yudDaM saNgrAmaH sAmparAyikam .. 253 ..
saMyugaM tvastriyAM saMgaro vigahaH
samparAyo'striyAmAhavAyoDane .
samprahAro raRo'strI samIkaM kaliH
syAtpumAn saNKyamastrI mfDaM yutsitam .. 254 ..
sragviRImastriyAM(?) rAwiH strI saMyacca napuMsake .
kecitstriyAmiti dvandvaM janyaM samarastriyAm .. 255 ..
AjiH strI samitiraByAmardaH praharaRaM punaH .
aBisampAtasaMmardapraGAtA''skandanA[ni] ca .. 256 ..
aByAgamaH samudayaH samudAyaH samAhvayaH .
saGanaM ca samAGAtaH AkrandaH pravidAraRam .. 257 ..
niyudDaM BujasamBUtaM, pawahAqambarAvuBO .
astriyAM tumulaM yudDasaMkulaM, tvagrayAnakam .. 258 ..
nAsIramapumAnastrI keci,tpIqanamasya ca .
avamardo'pi, prapAto DAwyaByAsAdane punaH .. 259 ..
;p{0080}
aByavaskando, yAminyAM sOptikaM sa nigadyate .
raRarudraBUmirvIrASaMsanaM ca, niyudDaBUH .. 260 ..
AjavAwo, raRe moho mUrcCA syAtkaSmalaM punaH .
raRe BAvin jAte vA yatpAnaM vIrapARakam .. 261 ..
saMdAvavidravO pradrAvaH saMdrAvo dravaH punaH .
udrAvo'pakramo'payAnaM palAyanamityapi .. 262 ..
jayaSca vijayo, yudDe yo BaNgaH sa parAjayaH .
qamaro qimbo'striyAM ca SfgAliviplavO samO .. 263 ..
vEraSudDirvEraniryAtanaM vErapratikriyA .
parAjitaH parABUto pariBUto jitaH punaH .. 264 ..
Bagno'BiBUto,'Ta nazwo gfhItadik palAyitaH .
tirohito, jitakASI jitAhavo raRe jitaH .. 265 ..
;p{0081}
aTa syAtpatito BUyaH praskannI, gupticArakO .
kArA'Ta grahako bandI pragrahopagrahO samO .. 266 ..
;c{samAptaH kzatriyADikAraH .}
;v{SUdrADikAraH}
UravyA UrujA vESyA aryA BUmispfSo viSaH .
vARijyaM pASupAlyaM ca kfzistisraSca vfttayaH .. 267 ..
jIvikA vetanaM vfttirvArtA jIvanamityapi .
AjIva, uYCo'strI DAnyakaRAdAnaM, SilaM punaH .. 268 ..
kaRiSAdigrahaH, kfzirmftaM pramftamanye .
yAcitamftamapyaTa .......................... .. 269 ..
amftaM tvayAcitaM syA,duditA sA SvajIvikA .
sevAvfttiH, vARijyaM vARijyA tvapumAn punaH .. 270 ..
;p{0082}
satyAnfta,maTo paRyAjIva ApaRiko vaRik .
krayavikrayikassArTavAho vEdehanEgamO .. 271 ..
vARijo,'Ta krayI krAyikaH krayIko,'Ta vikrayI .
vikrAyiko vikrayikaH kreyado,'vakrayaH punaH .. 272 ..
vasno'striyAM mUlyamarGo BAwakaM paYcamaM [taTA] .
nIvI paripaRo mUladravyaM, lABo'DikaM Palam .. 273 ..
parAvarto vyatihAro vEmeyaH parivartanam .
paridAnaM vinimayo nEmeyo niyamo,pyaTa .. 274 ..
upaniDiH syAnnikzepo nyAso,'TAsyArpaRaM punaH .
pratidAnaM paridAna,manye kreyaM taducyate .. 275 ..
kretavyamAtrakaM, yacca sTApitaM yat krayAya tu .
krayya,maTo paRitavyaM paRyaM vikreyamapya,Ta .. 276 ..
satyAkftiH satyaNkAraH satyApanaM ca vikrayaH .
vipaRo, gaRyaM saMKyeyaM gaReyaM, saMKyA sA Bavet .. 277 ..
;p{0083}
ekAdiryA vAcyaliNgA paYcAdyazwA[da]SAntimA .
aliNgA ekonaviMSatyAdyA pUrvaM SatAcca yA .. 278 ..
strIliNgAzwadaSamyo yA saMKyA saMKyeyagocarA .
ekAdyA parataH saMKyA saMKyAsaMKyeyavAcikA .. 279 ..
jinAnAM viMSatiH sArvAH viMSatiSca taTA hi sA .
ekAdaSaguRo daSetyAdirItyA'yamottaram .. 280 ..
SataM sahasramayutamastriyAM syuramI trayaH .
lakzamapumAn prayutamastrI kowiH striyAM punaH .. 281 ..
arbudamastrI cAbjaKarvaniKarvARi zaRQake trIRi .
klIbe mahAmbujaM sTAcCaNkurazaRQaH pumAn vArDiH .. 282 ..
antyamaDyaparArDAni BavantyetAni nAmataH .
sAMyAtriko yAnapAtravARijo,'Ta vahitrakam .. 283 ..
yAnapAtraM [ca] bohitTaM poto vahanamapya,Ta .
niyAmakaH potavAho niryAmo nAvikaH punaH .. 284 ..
karRaDAro, maNginI nO striyAM beqA tarItyapi .
tariRI, droRI kAzWAmbuvAhinI, kzepaRI ca sA .. 285 ..
nOkAdaRqaH, kUpakastu guRavfkzo,'Ta nAvi ye .
maDyadaRqAH syuH polindAH, maNgo nOmastakaM pumAn .. 286 ..
;p{0084}
aBriH strI kAzWakuddAlaH, secanaM sekapAtrakam .
aritraM kenipAtaSca kowipAtra,maToqupaH .. 287 ..
taraRqo dvAvastriyO staH kolABelaplavAH samAH .
taramUlyamAtaraH syAt, vfdDyAjIvaH kusIdakaH .. 288 ..
vArdDuziko dvEguRiko vArdDuzi,rvfdDajIvane .
kusIdo'rTaprayogaSca, vfdDiH kalAntaraM punaH .. 289 ..
paryudaYcanamudDAra fRaM, yAcitakaM hi tat .
prAptaM yAcanato yacca, tadA''hurApamityakam .. 290 ..
parivftya gfhItaM yad, grAhakaH syAdfRasya yaH .
aDamarRo, dAyakaScottamarRo,'Ta nigadyate .. 291 ..
lagnakaH pratiBUH sTeyaH samO prASnikasAkziRO .
maDyasTo,'Ta mfzAsAkzye kUwasAkzI taTA punaH .. 292 ..
;p{0085}
duzwasAkziRi sUcI ca, banDaka ADirapya,Ta .
pOtavaM, druvayaM, pAyyaM triDA mAnamudAhftam .. 293 ..
tulApraBftiBirBUyaH kUqavAdyEH karAdiBiH .
kramAdvijYeyaM tatrAdO mAzakostrI, sa paYca ca .. 294 ..
guYjA, karzo'striyAmakzaH, mAzA[RAM] zoqaSa syAt, palam .
astrI, karzAScatvAro,'Ta vistaH suvarRa ityapi .. 295 ..
kanakAkze, kuruvistaH pale kanakasamBave .
palaSataM tulA, BAro viMSatistASca SAkawaH .. 296 ..
SAkawInaH SAlAwaSca Acito,'Ta daSAcitaH .
BAgaH, prasTo'striyAM catvAraH kuqavAsta eva ca .. 297 ..
AQakastrizu, te catvAro droRaH kaTito'striyAm .
droRAH zoqaSa KArI, syAccaturviMSatiraNgulAH .. 298 ..
;p{0086}
hastAH, daRqaScaturhasto, gavyUtaM kroSa eva saH .
yaddaRqasahasrayugmaM, kroSayugmaM hi gorutam .. 299 ..
gavyUtiraklIbo gavyA gavyUtaM, yojanaM punaH .
catuzkroSaM, jIvavfttiH pASupAlyaM gavISvaraH .. 300 ..
gomI gomAna,To gopo goDuggopAlaballavAH .
gosaMKyA''BIro, gozu syAdgovindo'Dikfto hi yaH .. 301 ..
ajajIvako jAbAlo, halI kzetrI kfzIvalaH .
kuwumbI kfzikaH kArzakaH karzako, haliH punaH .. 302 ..
jityA, sIro halaM dvO cAstriyAM godAraRaM taTA .
lANgalamIzA taddaRqaH, sItA syAttasya padDatiH .. 303 ..
kuwakamanIze, dAtraM lavitraM, vaRwa ucyate .
tanmuzwiH, samIkaraRe matyaM, godAraRaM punaH .. 304 ..
;p{0087}
kuddAlo'Ta KanitraM syAdavadAraRamapya,[Ta] .
PAlaH PalaM kuSikaSca kfzaka,stotratodane .. 305 ..
pravayaRaM syAtpratodaH prAjanaM, lozwaBedanaH .
kowiSo, yotrayoktre cAbanDo gobanDadAru yat .. 306 ..
Kale'klIbo meDimeTI KalevAlI, jaGanyajaH .
SUdraH pajjo vfzalaScAntyavarRaH padya ityapi .. 307 ..
dvAdaSaBedAH evaM syuraTEzAM miSrajAtayaH .
mUrdDAvasikto jAto'sO kzatriyAyAM tu vAqavAt .. 308 ..
ambazWo vESyakAminyAM, SUdrayozityuBO taTA .
pAraSavo nizAdaSca, vESyastriyAM tu kzatrataH .. 309 ..
mAhizyaH, SUdrakAminyAmugraH, karaRo vESyataH .
vESyanAryAmAyogavaH SUdrataH, kzatriyastriyAm .. 310 ..
;p{0088}
kzattA, viprastriyAM caRqAlo, mAgaDaSca vESyataH .
kzatranAryAM vipranAryAM vEdehikaH, syAt kzatriyAt .. 311 ..
sUto brAhmaRakAminyAM, karaRyAM raTakArakaH .
mAhizyA[da],Ta prakftiH kAruSca kAriSilpinO .. 312 ..
SreRiraklIbaH kArURAM gaRaH, SilpaM kalA punaH .
vijYAnaM, mAlAkAraSca puzpAjIvastu mAlikaH .. 313 ..
puzpalAvI naMtaH syAt yaH puzpARyavacinoti [saH] .
Dvajo DvajI surAjIvI maRqahArakaSORqikO .. 314 ..
kalyapAlo vArivAsaH AsutIbala ityapi .
pAnavaRik, kAdambarI cApumAn maDurastriyAm .. 315 ..
irA madya svAdurasA parisrut strI parisrutA .
madizWA madirA kaSyaM vAruRI kApiSAyinam .. 316 ..
;p{0089}
apumAn prasannA hArahUraM halipriyA .
SuRqA'klIbA devasfzwA surA hAlA pariplutA .. 317 ..
mADvIkaM kApiSaM ganDottamA ca madanA'bDijA .
mADavako maDvAsavaH, sIDurastrI taTA''savaH .. 318 ..
mEreyo,'Ta madyapaNko jagalo'pya,Ta [medakaH] .
madyabIjaM punaH kiRvaM nagnahUrnagnahuH pumAn .. 319 ..
AsutirmadyasaMDAnamAsavo'BizavastaTA .
kArottamo madyamaRqaH, sarakaScazako'striyAm .. 320 ..
anutarzo galvarkaSca, SuRqApAnaM madasTitiH .
maDukramA maDuvArA, sahapAnaM sapItikaH .. 321 ..
ApAnaM pAnagozWI ca, maDyaprASanacakzaRe .
upadaMSo'vadaMSo,'Ta kalAdo muzwikaH punaH .. 322 ..
svarRakAro nAqiMDama,stejasAvarttinI taTA .
mUzA, BastrA'klIbaScarmaprasevikA,'Ta veDanI .. 323 ..
;p{0090}
AsPowanI, SARo'klIbaH pumAMSca nikazaH kazaH .
kaNkamuKaH saMdaMSo,'Ta yantrakaM kundamastriyAm .. 324 ..
Bramo,'Ta maRIkArastu vEkawiko,'Ta SOlbikaH .
tAmrakuwwiko,'Ta kAmbavikaH SANKika eva saH .. 325 ..
sOcikaH syAttantuvAyaH, kalpanI karttarI punaH .
kfpARI, sevanI sUcI, sUcisUtraM tu pippalam .. 326 ..
tarkuH pumAn karttanasADanaM, vihanaM punaH .
piYjanaM tUlasPowanakArmukaM, syUtisevane .. 327 ..
sIvanaM, syUtaprasevO, tantuvAyo dvitIyakam .
kuvindo,'Ta syAt trasaraH sUtravezwanamapya,Ta .. 328 ..
;p{0091}
vyUtirvARiH striyAM, vAnadaRqo vemA'striyAvuBO .
sUtratantU taTA nirRejakaH syAdrarajako'pya,Ta .. 329 ..
carmakftpAdukAkfcca, pAdukA pAdarakzaRam .
pAdatrARaM pAdahitA pAdUrupAnat dve striyAm .. 330 ..
pAdapIWI pAdaraTI peSI syAtpadavITyapi .
pAdaguYjA pAdarattA pannadDA [ca] padAyatA .. 331 ..
padAyAmena badDA yA nAnABedA BavedDi sA .
anupadInA, varatrA nadDrI vadDryanapuMsakaH .. 332 ..
carmapraBedikA cA'rA, kulAlo daRqaBft punaH .
kumBakAraScakrajIvI, tElI cAkrikaDUsarO .. 333 ..
asriyO KalapiRyAkO, SARajIvo'siDAvakaH .
BramAsaktaSastramArjA,vaTa takzA ca kAzWataw .. 334 ..
varDakaH sTApatistvazwA raTakfd, yo hyaDInakaH .
grAme sa syAdgrAmatakzaH, kOwatakzaH svatantrakaH .. 335 ..
;p{0092}
takzaRI vfkzaBidvAsI, krakacaM puMnapuMsakam .
karapatrakaM ca, kAzWaM kAzWe saMsTApya takzyate .. 336 ..
yatrodGanaH sa vijYeyo lohAdirapi tattaTA .
vfkzaBedI vfkzAdana,zwaNko'strI syAddvitIyakam .. 337 ..
pAzARadArako, lohakAraH karmAra ityapi .
vyokAraH, kUwamastrI syadayoGano,'Ta vraScanaH .. 338 ..
patraparaSu,rIzikA tUlikA punarezikA .
kAndaviko BakzyakAraH, kanduraklIbakaH punaH .. 339 ..
svedanikA, tOlakiko raNgajIvaSca citrakft .
kUcikA tUlikA,''leKyaM citraM, syAdaTa lepyakft .. 340 ..
palagaRqo,'Ta lepyAdikarma pustaM sa cAstriyAm .
antAvasAyI naMtaH syAnmuRqako nApitaH kzurI .. 341 ..
;p{0093}
caRqilaSca divAkIrtiH kzuramardI ca BaRqikaH .
kzOriko grAmaRIrBaRqivAho,'Ta parivApaRam .. 342 ..
BadrAkaraRaM vapanaM kzOraM syAnmuRqanaM, tvaTa .
nArAcI tvezaRI, devAjIvaH syAddevalaH punaH .. 343 ..
mOrajiko mArdaNgiko, vIRAvAdastu vERikaH .
vERaviko veRuDmaSca, pARiGaH pARivAdakaH .. 344 ..
prAtihAriko mAyAkAro,'Ta mAyA tu SAmbarI .
kusftiH kuhakaM jAlamindrajAla,maTo punaH .. 345 ..
kOtukaM kutukaM kOtUhalaM kutUhalaM taTA .
mfgavaDAjIvI vyADo mfgayurlubDakaH punaH .. 346 ..
pApardDyAKewO mfgayA'pumAn mfgavyA''cCodane .
vAguriko jAliko,'Ta vAgurA mfgajAlikA .. 347 ..
SumbamapumAn tantrI ca vawI trizu guRaH punaH .
SulbaM rajjuH striyAM varAwakaH, kEvarttaDIvarO .. 348 ..
;p{0094}
dASo, baqiSamapumAn matsyaveDanamapya,Ta .
matsyajAlaM syAdAnAyaH, kuveRI matsyabanDanI .. 349 ..
SAkuniko jIvAntakaH, kowiko mAMsikastaTA .
sOniko vEtaMsikaSca, GAtasTAnaM paSorBavet .. 350 ..
sUnA, mfgAdijIvAnAM banDopakaraRaM hi yat .
vItaMso'striyAM, pASo banDanagranTirapya,Ta .. 351 ..
avawo'vapAtaH, kUwayantramunmATa ityapi .
pAmaraH prAkfto nIco vivarRaSca pfTagjanaH .. 352 ..
itaro barbaro,'TAntevAsI SvapacabukkasO .
divAkIrtirantAvasAyI nizAdo'janaMgamaH .. 353 ..
caRqAlaH plavamAtaNgO, pulindA varawA BawAH .
kirAtA nAhalA nizwyAH SabarA BillA BUrayaH .. 354 ..
mAlAH sarve'raRyacarA udBinnA deSaBedataH .
mlecCajAtayaH SUdrARAM samudAye patantyamI .. 355 ..
;c{samAptaH SUdrADikAraH .}
;v{avasTABedADikAraH}
;c{aTa caturRAM varRAnAM prAgBavAcIrRasaMskArA ityAdinA avasTABedaM sAmAnyata Aha .}
;p{0095}
kumArakaH kzIrakaRWo bAlaH potaH stanaMDayaH .
pfTukottAnaSayO qimBaSAvO taTA SiSuH .. 356 ..
arBaH pAko,'Ta SiSutvaM SESavaM bAlyamapyaTa .
taruRo yuvA vayasTo,'Ta tAruRyaM taTA'striyAm .. 357 ..
yOvanaM, cATa sTaviro yAtayAmo jarI jaran .
jIrRo jIvaH pravayASca vfdDo,'Ta visrasA jarA .. 358 ..
sTAviraM vArdDakaM, [jyAyAn] varzIyAn daSamI taTA .
labDavarRaH prAptarUpo vidvAn vyaktavipaScitO .. 359 ..
vicakzaRo viSArado manIziDIrapaRqitAH .
buDaprabudDakovidAH kaviH kftI suDIstaTA .. 360 ..
meDAvI sUridozajYABirUpaprAjYakfzwayaH .
syAtsaNKyAvAnsan jYo, dakzaH Sikzito nipuRaH pawuH .. 361 ..
aBijYo vijYaH syAdvEjYAnikaH kftamuKaH punaH .
kftakarmA kftahastaH kuSalaScaturo'pi ca .. 362 ..
samO nizRAtapravIRO, prastAvajYe tu CekilaH .
Ceko vidagDaH CekAlo deSyAM Cailla ityapi .. 363 ..
pragalBaH pratiBAyuktaH prOQo,'Ta dIrGadarSyayam .
paSyedyo dUrataH, pratyutpannabudDirdvitIyakam .. 364 ..
;p{0096}
tatkAlaDIH, sUkzmadarSI kuSAgrIyamatiH punaH .
cidrUpo hfdayAluSca tattvajYAnayutiH smftaH .. 365 ..
sahfdayaH, saMskfto yo vyutpannaH prahataH sa tu? .
kzuRRo'pi, so'ntarvARiryaH SAstravidvaktumakzamaH .. 366 ..
praDAnavaktA yo'muzmin vAgISo vAkpatiH sa ca .
pratiBAyuktajalpAkO vAcoyuktipawuH smftaH .. 367 ..
vAvadUkaH pravAg vAgmI samuKo,'Ta vadAvadaH .
vaktA vado,'Ta jalpAko yo BavedbahugarhyavAk .. 368 ..
vAcAwo vAcAlaH, praSne'nuttaro yadvadastaTA .
durvAk kadvado,'Ta hInavAdI cADara ityapi .. 369 ..
eqamUkastaTA'neqamUko'vAkSrutirapya,Ta .
sa tu kuvAdaH kucaro yo BavetkuwilASayaH .. 370 ..
ravaRaH SabdanaH so'tra yaH SabdaM kurute'Dikam .
kAhalo lohalaH sa syAdasPuwavAk ca yo Bavet .. 371 ..
;p{0097}
avAk mUko,'svaraH sa syAd GarGavacano hi yaH .
viduro veditA vindu, vandAruraBivAdakaH .. 372 ..
ASaMsikA syAdASaMsuH, kawvaraH kawuBAziRi .
kzipnurnirAkarizRuSca, vikASI syAdvikasvaraH .. 373 ..
muKaro durmuKo'badDamuKo,'Ta syAtpriyaMvadaH .
SaklaH, priyaMvado dAnaSIlaSca yo Bavetsa hi .. 374 ..
vadAnyaSca vadanyo,'Ta mUrKo'jYo mAtfSAsitaH .
mAtfmuKo yaTAjAto mando'meDo jaqaH punaH .. 375 ..
mUQo vEDeyo vivarRo devAnAMpriyabAliSO .
jAlmo bAlo'neqo nAmavarjito,'Ta cirakriyaH .. 376 ..
dIrGasUtro,'Ta kriyAsu mandaH kuRWo,'Ta karmasu .
udyato yaH kriyAvAn so,'laNkarmIRaH sa ucyate .. 377 ..
;p{0098}
karmakzamaH, karmadakzaH karmaWaH, kArma eva saH .
karmaSIlo'pi, yastIkzRakarmakfdAyaHSUlikaH .. 378 ..
surUpadehI ya svaNgaH siMhasaMhananaH punaH .
svErI svatantraH svaruciH niravagraho'pAvftaH .. 379 ..
yaTAkAmI svacCando,'Ta svecCA syAtsvEritA punaH .
yadfcCA, gfhyako niGnaH parADInaSca nASavAn .. 380 ..
parAyattaH paravaSaH paratantro'vaDAnakaH .
paracCando vaSAyattaH paravAn, aTa lakzmaRaH .. 381 ..
lakzmIvAn SlIlo,'TeByaH syAdfdDA'QyO DanISvaraH .
daridraH kIwako niHsvo duHsTo'kiYcanadurgatO .. 382 ..
durviDo dInaH kzudro,'Ta kiMpacAno mitaMpacaH .
kInASaH kfpaRaH kzudro dfQamuzwiSca tadDanaH .. 383 ..
netA'DipaH parivfQaH praBurindra ISo
BartteSvaro viBuH patyaDiBU svanATaH .
svAmI taTA''rya ina ISitfnAyakO ca
Bftya-parAcita-Bujizya-niyojya-dAsAH .. 384 ..
;p{0099}
parEDitaH parajAtaH parAnnaparikarmiRO .
pariskando gopyaH prezyo parapiRqAdakiMkarO .. 385 ..
paricArakaH syAccewo qiNgaro,'Ta viSezataH .
karmakaro BftaBug vEtaniko Bftako'pi ca .. 386 ..
karmakAraH saniBftiH, BarmaRyA BarmanizkrayO .
BftyA BftirBaraRaM ca nirveSo vetanaM paRaH .. 387 ..
mUlyaM viDA ca karmaRyA, veSyAmUlyaM hi yadBavet .
Bogo BAwiH sa ucyate, KalapUrdvitIyaM punaH .. 388 ..
bahukaro, BAravAho BAriko, BAravIvaDO .
vivaDo,'Ta vArtAvaho vEvaDiko, vihaNgikA .. 389 ..
BArayazwi,rBAralambaH SikyaM kAcaH sarajjuyuk .
vIraScAraBawaH SUro vikrAnto, BIruBIrukO .. 390 ..
BIlukaH kAtaro BIto daritaScakito'pya,Ta .
vyagraH syAdvyAkulo BUyo vihasto,'tyarTamAkulaH .. 391 ..
;p{0100}
piYjalaH sa samutpiYja utpiYjalaH, Bayadrute .
kAndiSIko,'Ta mahAtmA mahAmanA mahASayaH .. 392 ..
udAra udBawodAttO mahecCodIrRO, sUrataH .
karuRAparaH kfpAluH dayAlura,Ta GAtukaH .. 393 ..
SarArurhisro,'Ta vaDo GAto vyApAdanaM punaH .
projjAsanaM pramaTanaM pramaTo'strI pramApaRam .. 394 ..
apAsanaM nisUdanaM pravAsanaM ca varjanam .
praSasanaM samApanaM viSaraRaM nibarhaRam .. 395 ..
nirvApaRAlamBahiMsonmanTasaMjYaptayastaTA .
nizkAraRaniryAtanakrATanirvAsanAni ca .. 396 ..
udvAsanaM mArapiYjO pratiGAtanamityapi .
nistarhaRaM praSamanaM parAsanaM kadanaM taTA .. 397 ..
nirgranTanaM viSasanaM niSumBo'pya,Ta kartanam .
kalpanaM varDanaM Ceda, AtatAyI sa ucyate .. 398 ..
agnido garadaScEva SastrapARirDanApahaH .
kzetradAraharaScEva zaqete AtatAyinaH .. 399 ..
SIrzacCedikaH SIrzacCedo yo'rho hantumatra saH .
nAmaSezo yaSaHSezaH parAsuH pretasaMsTitO .. 400 ..
;p{0101}
AleKyaSezaH paretaH mftaScopagataH punaH .
upasaMpanno vyApannaH pramIto,'TOrDvadehikam .. 401 ..
mftasya divase dAnaM tadarTamidamucyate .
apasnAnaM mftasnAnaM, pitFRAM yattu tarpaRam .. 402 ..
nivApaH so'pya,Ta citA cityA citi,raTAYjasaH .
prAYjala fjurudAraH, saralo dakziRo'pya,Ta .. 403 ..
anfjuH SaWanikftO, nistriMSaH krUra ityapi .
nfSaMsaH pApo,'Ta DUrto mAyI vyaMsakajAlikO .. 404 ..
dARqAjinikaH kuhakaH vaYcakaH, sajjanaH punaH .
saByAryO sADu,rdozEkadfkpuroBAginAva,Ta .. 405 ..
dvijihvo durjanaH karRejapaH piSunasUcakO .
nIcaH Kalo'striyAmanyaH kzudraH praKalamatsarI .. 406 ..
uparakto vyasanArtaH, steno'strI pAripanTikaH .
parAskandI parimozI taskaraH pratiroDakaH .. 407 ..
;p{0102}
pAwaccara EkAgAriko dasyuH syAnmalimlucaH .
coraScOro rAtricaraScOraqopya,Ta taskaraH .. 408 ..
yo haretparakIyaM svaM paSyatastatkalAvaSAt .
manIziBiH sa pApizWa ucyate paSyatoharaH .. 409 ..
steyaM cOryaM cOrikA cApumAn, loptraM DanaM hi tat .
stenApahftaM yatsyAt, yadBavizyo'paraH punaH .. 410 ..
dEvaparo,'TAnuzRaH syAdAlasyo'lasaSItakO .
tundaparimfjo mandaH, sUtTAnaScaturaH pawuH .. 411 ..
uzRakaH peSalo dakzaH uzRo,'Ta prahvatatparO .
prasitaH parAyaRaSca AsaktaH pravaRa itya,Ta .. 412 ..
udAro dAtA,'Ta dAnaSORqo bahupradaH punaH .
sTUlalakzo,'Ta yo dAtA BoktA ca sukalaH smftaH .. 413 ..
tarkuko mArgaRaScArTI yAcanako vanIpakaH .
yAcako,'TotpatizRuH syAdutpatitA,'Ta maRqanaH .. 414 ..
;p{0103}
alaMkarizRuH syA,dBUzRurBavizRurBavitA'pya,Ta .
vartizRurvartano BUyo, visAriRi visftvaraH .. 415 ..
prasArI visfmaro,'TApatrapiznurdvitIyakam .
lajjASIlaH, kzamI kzantA titikzuH kzamitA punaH .. 416 ..
sahizRuH sahana, IrzyAluH kuhano'Ta matsarAt .
parotkarzAsahane cAkzAntirIrzyA dvakO matO .. 417 ..
kroDano rozaRo'marzaRaH kroDI, BfSakopane .
caRqo, buBukzito BUyo jiGatsuH kzuDitastaTA .. 418 ..
aSanAyitaH, pipAsustfzitatfzRajO samO .
rasAdAnaM SozaRaM ca, Gasmaro Bakzako'dmaraH .. 419 ..
ASito,'TASitastfpta AGrAtaH suhito'pya[Ta] .
BaktocCizwaM taTocCizwaM PelApiRqoliPelayaH .. 420 ..
svodarapUrake puMsi kukzimBarirnigadyate .
udaramBaristaTA AtmamBari,rOdarikaH sa tu .. 421 ..
;p{0104}
AdyUno'pi, vijigIzA(?)'BilAzAvarjito'pi yaH .
sarvAnnaBakzakaH sarvAnnInaSca tftIyaM punaH .. 422 ..
udarapiSAco, yasya BakzitasyApi vastunaH .
tftpirna jAyate puMsaH so'secanaka ucyate .. 423 ..
piSitASI SAzkulaH syA,dunmadizRuH sa ca smftaH .
vAtaBUtAdidozeRa yo'navasTitamAnasaH .. 424 ..
garDano lolupo lipsustfzRak lubDo'BilAzukaH .
gfDnuSca loluBo lolaH samO lAlasalampawO .. 425 ..
udDataH syAdavinItaH, prasfto niBftaH punaH .
vinIto,'Ta vinayasTo viDeyo, vacane sTitaH .. 426 ..
yaH sa ASravo vijYeyaH, praReyo vaSya ityapi .
DfzRuk viyAto DfzRuSca Dfzwo,'Dfzwastu SAradaH .. 427 ..
SuBasaMyuktaH SuBaMyuH, syAdahaMkfta ahaMyuH .
kAmukaH kAmayitA'BIko'nuko'BikaH .. 428 ..
;p{0105}
kamraH kamitA kamaraH kAmano, vyasanI punaH .
viplutaH paYcaBadro,'Ta pramanA hfzwamAnasaH .. 429 ..
vikurvARo harzamARo, durmanA vimanAstaTA .
antarmanA vicetASca, kzIbo matta utkawaH punaH .. 430 ..
SORqo,'Ta vIkzApannaH syAdvilakzo'TotsukastaTA .
utkaRWitaH punarutka unmanA, vAcyadUzitO .. 431 ..
aBiSastaH kzAritaSca, sa BavetkftalakzaRaH .
ahatalakzaRaScApi yo guRErviSruto Buvi .. 432 ..
pARqurapfzWo nirlakzaRaH, saNkasuko'pyasTiraH .
tUzRIkastUzRIMSIlaSca, yaH syAdanizwaduzwaDIH .. 433 ..
vivaSaH so,'Ta badDaSca nadDaH saMdAnitaH sitaH .
nigaqitaH saMyataSca kIlito yantrito'pya,Ta .. 434 ..
uddAnaM banDanaM dvO staH, pratibadDo manohataH .
hatapratihatO tulyA,vaDikzipto dvitIyakam .. 435 ..
;p{0106}
pratikzipto,'TAvakfzwo nizkAsito,'Ta DikkftaH .
apaDvasto nyakkfto,'Ta viprakftaSca nikftaH .. 436 ..
AttaganDo'BiBUto,'Ta vipralabDaSca vaYcitaH .
nidrAluH SayAluH svapnak, GUrRitaH pracalAyitaH .. 437 ..
jAgarI jAgarUkaH, syAjjAgaro jAgarA punaH .
jAgaraRaM jAgaryA,'Ta nidrARaSayitO samO .. 438 ..
supto,'Ta devadryaN nityaM yaH pumAn devamaYcati .
saDryaN sahAYcati, vizvak vizvadryaN yo'Ycati sPuwam .. 439 ..
tiro'Ycati syAt sa tiryaN, rocizRuryastu rocanaH .
saMSayitA saMSayAlu,rgrahitA gfhayAlukaH .. 440 ..
pAtukaH patayAluH, syAddakziRyo dakziRArhakaH .
dakziRIyaH, sADitastu dApito daRqito'pya,[Ta] .. 441 ..
;p{0107}
arhitaH pUjito namasyito namasito'rcitaH .
aYcito'pacito,'TArcyaH pratIkzyo, viklavaH punaH .. 442 ..
vihvalo,'Ta pIvA pInaH samAnO sTUlapIvarO .
dvezyo'kzigataScakzuzyaH suBago, mAMsalo balI .. 443 ..
upacitaH syAnnirdigDAMsalo, durbalaH kfSaH .
pelavastalino'mAMsaH CAtaH kzIRatanustaTA .. 444 ..
kzAmo,'Ta tundilastundistundikaSca picaRqilaH .
udarilo bfhatkukzirudarI, syAdanAsike .. 445 ..
vigro viKro viKruScATA,vanAwo natanAsike .
avaBrawo'vawIwaSca cipiwo, laGunAsike .. 446 ..
na kzudraH ................ .. 447 ..
;c{iti sidDaSabdArRavaH samAptaH .}